Aina Levi 25:29 - Amazwi Yakwe Leza 2013

²⁹ Muntu umwi ndi wakazya ing'anda yakwe ino akaikalamo, ino ili mu musumba uno wazingulukwa ni linga, umuntu wiyo ali ni nsambu ya kukulula ng'anda yakwe mu nsita ya mwaka wakutandika ukufuma pa wanda uno wakazizye ng'anda iyo.

Aina Levi 25:29 ပူးပေါင်းရင်းမြစ်များ

Utandiko 24:55

Lelo kalume wakwe Labeka na nyina yavwanga yati, “Tala lekini mukazyana aikale naswe mulungu onga nanti amanda ikumi lyonga, alino mukapite.”

Aina Levi 25:28

Lelo umuntu wiyo ndi atakweti impiya zingi zya kukulwila impanga yakwe, impanga iyo ili nu kutwalilila ukuya mu makasa ya muntu wino waikazile mpaka ukufika nu mu Mwaka wa Ukuluzi. Mu Mwaka wa Ukuluzi impanga iyo ili nu kuswiliziwa ku mwisikulu wino waikazile.

Aina Levi 25:30

Lelo umuntu wiyo ndi atakulwile ing'anda yakwe mu mwaka kwene uwo, ala insambu ya muntu wino wakazizye ing'anda yasila. Lyene ing'anda iyo ala yaya iya muntu wino wakazile pamwi na amu mupanda wakwe amanda pe. Nupya mu Mwaka wa Ukuluzi ng'anda iyo italaswiliziwa ku mwisikulu wino waikazizye.

Aina Levi 27:14

Lino umwi wapeela ng'anda yakwe kuli Yawe, simapepo alinzile kwika mutengo kulingana nu kuzipa nanti kwipa kwaiko, nga uwo kwene umaya uli mutengo.