Aina Levi 25:24 - Amazwi Yakwe Leza 2013

²⁴ “‘Lino mwakazya impanga, insambu zya kukulula impanga iyo ku mwisikulu wa mpanga ino mwakala zilinzile kucindikwa.

Aina Levi 25:24 ပူးပေါင်းရင်းမြစ်များ

Yelemiya 32:7

‘Lola Hanameli umunyonko, mwana so umukalamba Syalumu, aliza akunene kuti ukale icalo cakwe caku Anatoti, pano awewe sile ukweti insambu ya kucikala nu kucikulula.

Ezekelo 7:13

Amanda yonsi yano umuculuzi alalengela pano nsi, awe nce atalazanilapo nanti cimwi pali vino waponzizye mu nsita ya misukosuko. Antu aipe yene yatalapusuka foo.

Aina Levi 25:23

“‘Mpanga inu italinzile kukaziwa kwa kuyelelela pe, pano isi impanga inu foo. Yene impanga yakwe Leza. Mwemo muli wa inamasi yano yazumiliziwa kuiomvya sile.

Aina Levi 25:25

Mwina Izlaeli ndi waya mupina cakuti camupatikizya ukukazya impanga yakwe, umwina wakwe ali nu kukulula impanga iyo.

Aina Levi 25:27

Pamulandu uwo, umuntu wiyo alinzile ukulipa umuntu wino wakazile impanga yakwe, impendwa ya mpiya kulingana ni myaka ino yasyala kufika lino impanga ilaswiliziwa kunoli.

Aina Levi 25:31

Lelo mang'anda amu mizi ino itazingulukwa na malinga yene yacitwe wakwe vino yakacita pa kukala impanga. Mwisikulu wa mang'anda yaa ali ni nsambu ya kukulula mang'anda yakwe. Nupya mang'anda yao yali nu kuswiliziwa mu Mwaka wa Ukuluzi.

Loma 8:23

Lelo usi uumbo utupu ukateta. Naswe kwene swe muno twapokelela uwila wa Mupasi Wamuzilo uno Leza watalike ukutupela uwa pa mawila yakwe, tukateta cimyamya, ala tukulolela Leza ukutucita ana yakwe nu kukulula mili itu.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Efeso 1:14

Mupasi Wamuzilo ali cisininkizyo cakuti tulapokelela vintu vino Leza walaya antu yakwe, nupya cii cikusininkizya kunotuli ukuti Leza alapeela untungwa ufumaluke kuli yao akwakwe. Lekini tulumbanye lulumbi lwakwe!

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.