Aina Levi 25:23 - Amazwi Yakwe Leza 2013

²³ “‘Mpanga inu italinzile kukaziwa kwa kuyelelela pe, pano isi impanga inu foo. Yene impanga yakwe Leza. Mwemo muli wa inamasi yano yazumiliziwa kuiomvya sile.

Aina Levi 25:23 ပူးပေါင်းရင်းမြစ်များ

Utandiko 23:4

“Nene mwinamasi nupya mwenyi kunomuli. Nkazini impanga iya kuzikapo pakuti ningazika umuci wane.”

Utandiko 47:9

Yakobo aasuka ati, “Indi ni myaka umwanda onga na makumi yatatu mu umi wa kululumba kwane. Imyaka yane ili inono nupya iya ucuzi, ino itangakolana ni myaka ya kululumba kwa vikolwe vyane.”

1 Yamwene 21:3

Lelo Naboti aasuka ati, “Ivikolwe vyane ivyansilile icalo cii ca matingi. Ali cino cakana sana, pano na Yawe walesya cico.”

1 Milandu 29:15

We Yawe, umanyile ukuti mu umi witu tuli wa enyi na inamasi, ndi vino ivikolwe vitu vyali. Amanda itu akwikala pano nsi yali wa cinzingwa icikupita, nupya tutangutuka imfwa.

2 Milandu 7:20

ale lyene mucimanye ukuti indamuzinga umu mpanga ino namupeela. Indafuma umu Ng'anda kwene ii ino natinzifya ukuti iye incende yamuzilo, iyakupepela mwenemo. Alino na antu amu mpanga zyonsi yalamusuula mwe ina Izlaeli. Nupya antu yalamulolekesya wa vintu vimwi ivisulwe.

Masamu 119:19

Kwene nene mwenyi pano nsi, utamfisa ivyeo vyako.

Masamu 24:1

Insi kumwi na vyonsi ivyayamo ivyakwe Yawe, impanga yonsi ya pano pansi kumwi na ikazi yamwenemo.

Masamu 39:12

“We Yawe, uvwa ukwi pepo lyane, unguvwe nakuli vino nkukupapata, utasula sile lino nkukulaizya! Nemo nene mwenyi apa nsita sile inono ndi vino ni vikolwe vyane vyonsi vyali.

Masamu 39:13

Utandolesya uyi uyi, leka mpemwile kweneko, lino ntacili mpite nu kuililila.”

Masamu 85:1

We Yawe, wapolelela impanga yako, wati kuleka nu kuti yamwana Yakobo yasyuke nupya.

Kufuma 19:5

Ndakai ndi mumanguvwila nu kusunga upangano wane, lyene mumayanga antu yane pakasi ka mitundu yonsi ya antu. Nanti cingaya ukuti insi yonsi iyakwane, lelo mwemo mulaya antu yane asololwe.

Kufuma 2:22

Zipola avyalila Mose umwana umonsi. Mose aelenganya ati, “Nene mwinamasi mu mpanga ii.” Caleka atemela umwana wii, izina ati a Gelisyomu.

Ezaya 8:8

Yaliza yapongwele impanga ya Yuda nu kuiunzya mpaka antu yamwele ukufika nu munsingo zyao. Mulamba wiyo alalimba impanga yako yonsi, Iye, we Imanueli!”

Ezekelo 48:14

Yalesiwa kukazya nanti kukauzyamo icipande nanti conga. Cisi cakwezya ukusumba impanga iya, pasi pano catuulwa kuli Yawe.

Oseya 9:3

Mutalikala mu mpanga yakwe Yawe. Mwe aluko lwakwe Efulemu, mulaswilila ku Eguputo, mu mpanga ya Asilya amuno mulalya cakulya icaindwa.

Yowelo 2:18

Lyene ulukundo lwakwe Yawe lwakanga ungati umoto upembe pamulandu wa mpanga yakwe. Nga acitila antu yakwe yonsi uluse.

Yowelo 3:2

indakonganika imitundu ya antu yonsi nu kuyatwala uku Cifoloma ca Yeosafati. Kuku kwene akuno ndayapingula pali vino yacitile antu yane aina Izlaeli. Pasi pano yene yayasalanginye umu nko zyuze nu kwankana impanga yane.

Aina Levi 25:10

Mu musango kwene uu, mwapaatula mwaka uwalenga amakumi yasano nu kuulenga kuti uye mwaka wa untungwa ku antu yonsi yano yakaikala mu mpanga yonsi iyo. Mu nsita ya mwaka kwene uu, cila muntu alinzile awezeziwe icintu cakwe nanti kuciwezezya ku amu mupanda wakwe, nupya umuntu wino yakazizye mu uzya alinzile kuswilila kumwao ku amu ng'anda yakwe.

Aina Levi 25:24

“‘Lino mwakazya impanga, insambu zya kukulula impanga iyo ku mwisikulu wa mpanga ino mwakala zilinzile kucindikwa.

Malango 32:43

“Mwe antu amu nko zyonsi, mulinzile mwalumbanya antu yakwe Yawe, pano wene alavunuka yonsi yao alayakoma. Wene akacita cilanduzi pa anisi yakwe. Nu kwelela amaifyo ya mpanga na ya antu yakwe.”

1 Petulo 2:11

Mwe yacuza yane, mwemwe enyi nupya mbutusi muno nsi. Acino nkumupapata kuti mutalondela nsuna zya mili, zino lyonsi zikalwisyanya nu mupasi winu.