Aina Levi 25:21 - Amazwi Yakwe Leza 2013

²¹ Yawe alapolelela impanga iyo mu mwaka uwalenga mutanda cakuti ilamupeela ivyakulya ivingi vyakulingana nu kulya pa myaka iili.

Aina Levi 25:21 ပူးပေါင်းရင်းမြစ်များ

Utandiko 26:12

Isaki walimile ivyakulya mu mpanga ilya, nga mu mwaka ulya wazombwile maila umwanda ukuluta vino wakomile, pano Leza wamupolelile.

Utandiko 41:47

Mu nsita ya myaka cinimbali ya vyakulya vivule impanga yamezizye ivyakulya ivivule cuze.

Masamu 133:3

Ungati ulumi lwaku Helimoni, ulwati luseka apa Mwamba wa Zioni. Pano ali pano Yawe akapeelela upolelelo, kuli kuti umi wakuyelelela pee.

Kufuma 16:29

Mwiusye ukuti Nene, ne Yawe, namupeela uwanda wi Sabata. Cili cino pa wanda uwalenga mutanda nkamupeela ivyakulya vivule vya manda yaili. Muntu wensi alinzile aikala kunoli pa wanda uwalenga cinimbali. Atafuma pa ng'anda yakwe.”

Kufuma 16:5

Pa wanda uwalenga mutanda antu yalinzile kukolonganika nu kuteyanya ivyakulya vya manda yaili.”

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Ezekelo 34:26

Ndaleka ikale ukuzinguluka umwamba wane. Ndatonyezyamo imvula pa nsita ilinge, nupya ilaya imvula ya upolelelo.

Aina Levi 25:4

Lelo mu mwaka uwalenga cinimbali impanga iyo ino mukalimamo ilinzile ukupuza. Uu, umwaka uwapaatwilwa kuli Yawe. Mutakezye kulima nanti kukomela imbezu mu vyalo vinu, nanti kutungwila imiti inu ya matingi.

Aina Levi 25:6

Nanti angala vyalo vinu vitalimilwe mu mwaka uwo, vili nu kupeela ivyakulya kunomuli, ku azya inu, ku yaomvi inu, ku inamasi yano yakwikala munomuli,

2 Kolinto 9:10

Leza wino akapela imbezu ku alimi nga ni vyakulya vyakuti yalye. Wene alamupeela imbezu zyonsi azisandulule nu kuvuzya uzombozi kuli yao aulilwa.

Malango 28:3

“Yawe alapolelela imisumba inu ni vyalo vinu kwene.

Malango 28:8

“Yawe Leza winu alapolelela imilimo inu, alazuzya ivyakulya mu nkoma zinu. Wene alamupolelela mu mpanga ino akumupeela.