Aina Levi 25:19 - Amazwi Yakwe Leza 2013

¹⁹ Mpanga iyo ilamupeela ivyakulya vyakweyo, nupya namwe mulakwata ivyakulya vyonsi vino mukalonda, nupya mulikala mutende.

Aina Levi 25:19 ပူးပေါင်းရင်းမြစ်များ

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

Masamu 67:6

Umusili watiumezya ivimelwa. Icacumi, we Leza, we Leza witu, watutupolelela.

Masamu 85:12

Umwene amatupeela ivisuma, ni mpanga itu imamezya uzombozi ukulu.

Mapinda 1:33

Lelo wiyo wensi akatezya kunondi alaya umucingililwe. Alikala cele ukwaula icakumuletela intete.”

Ezaya 1:19

Ndi cakuti mwala mwantontelela sile, mumailyokezyanga ivisuma vino umusili ukamezya.

Ezaya 30:23

Nanti sile lino mulakomela imbezu mu vyalo vinu, Yawe aliwe alamezya nu kukuzya vino vyaya mwenemo. Lelo kwene mulaasampa ivyakulya kwene vivyo. Mu wanda ulya ni ng'ombe zinu kwene zilakwata incende zingi zya mulemvwe umwakuliila.

Ezekelo 36:30

Ndaleka imiti inu ikasekesye viseekwa, nu kuvuzya ivyakulya mu vyalo vinu pakuti mutace mukaponelwe nupya ni nzala iyakumuletela insonyi uku antu ya mitundu yuze.

Yowelo 2:24

Apa lwano pene wavuzya ingano. Umu vina vyakupondelamo amatingi, namo wazuzyamo waini umupya, na mafuta kwene yatiyavulisya wakwe cimwi.

Yowelo 2:26

Mulalya ivivule mpaka mwikute, alino mulalumbanya izina lyakwe Yawe Leza winu, wino wamucitila ivizungusyo. Acino antu yane yonsi kwene yatalazewana nupya, awe.

Aina Levi 25:18

“‘Mwayela amasunde na malamulo yonsi yakwe Yawe pakuti mungaikala mutende mu mpanga iyo.

Aina Levi 25:20

“‘Limwi umuntu umwi anguzya ati, “Uzye fwandi antu yalalya cani mu mwaka uwalenga cinimbali, lino kutalaya kulima nanti kukomela imbezu mu vyalo nanti ukuzombola ivilimwa?”

Aina Levi 26:4

nkaamupeela imvula pa nsita yakweyo pakuti musili wamezya ivilimwa ni miti ya vyalo vinu yaseeka viseekwa.

Aina Levi 26:5

Mukaatwalilila ukuzombola ivilimwa mpaka kufika ni nsita ya kukolonganika viseekwa. Nupya mukaatwalilila kukolonganika iviseekwa mpaka kufika ni nsita ya kukomela. Mukaalya mwikuta nu kwikala mu mpanga inu mutende.

Aina Levi 26:6

“Nkalenga kuti mu mpanga inu muye mutende, nupya mukaalala utulo kwaula koopa nanti umwi. Indi nu kuzinga ivilyanyi vyamu mpanga inu. Nupya mu mpanga inu musiiya inkondo.

Malango 12:10

Ndi mwaca mwalamba Luzi lwa Yodani, Yawe Leza winu alamupeela amaka ya kupoka impanga nupya mulikala mwenemo. Alamucingilila ku anisi inu pakuti mungaca mwaikala ku matwi cele.