Aina Levi 25:18 - Amazwi Yakwe Leza 2013

¹⁸ “‘Mwayela amasunde na malamulo yonsi yakwe Yawe pakuti mungaikala mutende mu mpanga iyo.

Aina Levi 25:18 ပူးပေါင်းရင်းမြစ်များ

1 Yamwene 5:5

Avino lyene nkasi kukuulila Yawe Leza wane Ng'anda ikulu, ndi muno Yawe wanenyile tata Davidi ati, ‘Umwana wako umonsi wino ndalasika pa cilimba ca wene aliwe alankuulila Ng'anda ikulu muno mulauvwika izina lyane.’

Masamu 103:18

Ali antu yano yakasunga upangano wakwe, yao akayela ningo amasunde yakwe.

Masamu 4:8

Lino nkalambalala, nkakasula utulo mu mutende, pano awewe sile, we Yawe, wemuno ukansunga ningo.

Mapinda 1:33

Lelo wiyo wensi akatezya kunondi alaya umucingililwe. Alikala cele ukwaula icakumuletela intete.”

Yelemiya 23:6

Umu manda yakwe akuteeka, antu amu Yuda yalacingililwa, nga na antu amu Yelusalemu yalikala mu mutende. Wene alaamwa ukuti, ‘Yawe ali ololoke witu’.

Yelemiya 25:5

Yene yamunena apa kufutatila inzila zinu iziipe izya mikalile inu, na pa vicitwa vinu iviipe, apakuti mungatwalilila ukwikala mu mpanga ino Yawe wapile kuli mwemwe nu ku vikolwe vinu, kuti itwalilile kuya impanga inu amanda pe.

Yelemiya 33:16

Insita iyo nga yafikila, antu aku Yuda ale yakululwa, na ina Yelusalemu ale ikala ku matwi cele. Ni zina lyao kumwi nu musumba wao ulaamwa, ‘Yawe Mukuluzi witu.’ ”

Ezekelo 33:29

Alino yalamanya ukuti nene indi Yawe, lilyo lino ndasangula impanga ulwanga umutaya akantu nanti kamwi, pamulandu nu uyi wao uno yacita.’ ”

Aina Levi 19:19

“Mwayela amasunde yane. Utalenga ukuti inyama zya mwata upusanepusane zyalondelelana. Utakomela misango ya mbezu iili mu calo conga. Utazwala insalu iyapangwa ni nsalu ziili zipusane.

Aina Levi 19:37

Mwayela amasunde na malamulo yane yonsi. Nene indi Yawe.”

Aina Levi 25:19

Mpanga iyo ilamupeela ivyakulya vyakweyo, nupya namwe mulakwata ivyakulya vyonsi vino mukalonda, nupya mulikala mutende.

Malango 12:10

Ndi mwaca mwalamba Luzi lwa Yodani, Yawe Leza winu alamupeela amaka ya kupoka impanga nupya mulikala mwenemo. Alamucingilila ku anisi inu pakuti mungaca mwaikala ku matwi cele.

Malango 33:12

Apa mutundu wakwe Benjamini wavwanzile ati, “Uu, uli mutundu uno Yawe watemwa nu kuucingilila. Uwanda onsi akaulinda, Nupya wene akaikala pakasi kao.”

Malango 33:28

Acino amu mupanda wakwe Yakobo yakaikala mu mutende, yikala zii mu mpanga muno ingano na waini vyavulisya cuze, mumo muno tuswelelele ukufuma umwiyulu tukatonya pa musili.