Aina Levi 25:17 - Amazwi Yakwe Leza 2013

¹⁷ Mutasombana, lelo mwaoopa Leza winu. Nene indi Yawe Leza winu.

Aina Levi 25:17 ပူးပေါင်းရင်းမြစ်များ

Utandiko 20:11

Abulaamu aasuka ati, “Mu mano yane natiile kuno kutangaya umuntu akaopa Leza, nga nu kuti yangankoma yatole nu muci wane.

Utandiko 22:12

Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”

Utandiko 39:9

Nkweti amaka mu ng'anda ii wakwe vino umusambazi wane akweti. Wene wampeela maka pali vyonsi, lelo kufumyako sile wewe we muci wakwe. Uzye lyene ningacita uli cintu caipa ndi ci nu kwifya kuli Leza wane?”

Utandiko 42:18

Pa wanda uwalenga yatatu Yosefu ayanena ati, “Nene muntu wino akaopa Leza. Caleka citini cii kuti mutakomwa.

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

Neemiya 5:15

Lelo alasi ankolelile yacuzyanga antu. Yapokololanga antu ivyakulya na waini ukwika penepo ni mpiya zyakwe siluva, anganyoma ukulingana na citika wakwe kilogalamu. Alino na aomvi yao kwene yatesile antu ukukalili. Nemo palwane intatazile incite icamusango ndi uo, apamulandu nu koopa Leza wane.

Neemiya 5:9

Ali cino nani nkumunena inti, “Cino mukucita citazifile foo. Uzye musikulonda mwapita na antu akwatila Mwene Leza witu coopo apakuti mutaleka intusi zyafuma pakasi ka anisi itu atupata?

Masamu 19:9

Ukoopa Yawe kwazipa nupya kukaikalilila pe. Ivikapingula Yawe ivyacumi, vyonsi pano vyapela vyalungama

Kufuma 20:20

Lelo Mose aasuka ati, “Mutuvwa intete. Leza wataiza sile kuti amwezye nu kulenga kuti mwamoopa, pakuti mutaifya.”

Mapinda 1:7

Ukoopa Yawe ili ntendekelo ya malango. Iviwelewele ivikasuula amano nu kusundwa.

Mapinda 14:31

Ukucuzya umulanda kukalanga sile imisuula kuli wiyo uwa muumvile. Lelo ukucitila umulanda uluse kuli kucindika uwa muumvile.

Mapinda 16:6

Uluse ni cumi vikalipila apa maifyo. Ukoopa Yawe kukafuntusya uku uyi.

Mapinda 22:22

Utafyenga umupina pamulandu wakuti umupina. Nupya utafyengelekezya antu umu cilye.

Ezaya 3:14

Yawe waama ivilolo vyakwe uku cilye pamwi ni ntunguluzi zya antu yakwe, nga avwanga ati, “Amwemwe kwene mukaonona icalo ca matingi, nu kufisa ivyuma vya alanda vino mwasampa.

Yelemiya 22:16

Wene waputwilanga apina imilandu kumwi na aulilwa, acino wali nu longo muli vyonsi. Uzye vivyo asi ali kumanya nene? Ivyalanda Yawe.

Aina Levi 19:13

“Utacenjezya umuntu nanti umwi, nanti kumwiila vintu vyakwe. Utalengezya malipilo ya muomvi wako nanti uwanda onga.

Aina Levi 19:14

Utatipwila cipuuli nanti kwika icintu cimwi cakupumikako ku nkolelo ya mpafu. Waoopa Leza. Nene indi Yawe Leza wako.

Aina Levi 19:32

“Mwalanga umucinzi ku ikolo nu kuyacindika. Mwaoopa nu kunjela. Nene indi Yawe.

Aina Levi 25:14

Caleka lino ukukazya icalo ku muzo mwina Izlaeli nanti lino ukukala icalo ku muzo, utacita ucenjezi.

Aina Levi 25:36

Utalipilisya mwina Izlaeli muzo pa mpiya zino wamukongwesizye. Lelo waoopa Leza wako nu kuleka aina Izlaeli yauzo yaikala nawe.

Aina Levi 25:43

Mutayateeka mu kukalala, lelo mwaoopa Leza winu.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Luka 12:5

Nkamunene uwakoopa. Oopini Leza, wino pacisila ca kukoma wakwata maka akusumba mu Gehena. Mutaile cino namunena, moopini wiyo kwene.

Milimo 10:2

Wene wali umuntu uwacindike Leza. Konelio pamwi na amu ng'anda yakwe yoopanga Leza. Wene wazwilizyanga Ayuda pakulu cuze, nupya wapepanga Leza lyonsi.

Milimo 10:35

Wino wensi akamoopa nu kucita vyawololoke, wene akazengelwa nawe nanti angala uwamu mutundu uze.

Milimo 9:31

Lyene iuvi lyamu Yudeya monsi, Galile, na Samaliya liya nu mutende, likomeleka nu kukulilako kupitila mu maka ya Mupasi Wamuzilo, pano lyali ni coopo ku Mwene.

Loma 11:20

Cii ica cumi. Yene yaputwilwe pano yatataile. Lelo mwemo muli mu cifulo caiko pano mwataila. Acino mutaitumika pali cii. Lelo muye ni ntete.

Loma 3:18

Yene yasyaoopa nanti a Leza kwene.”

Malango 25:18

Yene yatakweti icoopo kuli Yawe. Yene yamuzanzile icundansizi cinu, lilyo ale mwatimutonta wakwe cimwi nu kutemboka. Ali lino yakomile yonsi ali ku cisila.

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

1 Samueli 12:24

Mwemo mulinzile ukuvwila Yawe intete nu kumutumikila ni myenzo inu yonsi. Tala iusyini ivintu ivikulu vino wene wamucitila.