Aina Levi 24:19 - Amazwi Yakwe Leza 2013

¹⁹ “Muntu ali wensi ndi wacisa umuntu muze, nawe kwene yalinzile ukumucisa mu musango uli onga.

Aina Levi 24:19 ပူးပေါင်းရင်းမြစ်များ

Kufuma 21:23

Lelo ndi umwanaci umwisikulu wacisika, lyene uvunuko ulinzile ukuya wakwe vi: uumi pa uumi,

Kufuma 21:24

ilinso pa linso, ilino pa lino, ikasa pi kasa,

Kufuma 21:25

koca pa koca, cilonda pa cilonda, mukwangu pa mukwangu.

Aina Levi 24:18

Alino umuntu ali wensi uwakoma iciteekwa ca muze alinzile kupyanikizya iciteekwa kwene cino wakoma. Upinguzi kwene uu, umi pa umi.

Aina Levi 24:20

Muntu ndi wavuna muze ifupa, nawe kwene yamuvune ifupa. Ndi watonkola umuntu muze ilinso, nawe kwene atonkolwe ilinso. Muntu ali wensi ndi wakuula muze ilino, nawe kwene yamukuule ilino. Mu nzila ili yonsi ino umuntu wacisila umuntu muze, avino nawe kwene yamucitile.

Mateo 5:38

“Muuvwa vino cavwanzilwe ukuti, ‘Ilinso pa linso, ilino pa lino.’

Mateo 7:2

Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

Malango 19:21

Mutakezye ukukwata uluse, awe. Muce mwalinganya sile. Uwakoma nawe akomwe, nu watonkola umuze ilinso nawe yamutonkole ilinso, nu wakuula umuze ilino nawe yamukuule ilino, nu waputula umuze icizanza nawe yamuputule icizanza, nu waputula umuze ulwazo nawe yamuputule ulwazo.”

Yakapingula 1:7

Adonibezeki avwanga ati, “Yamwene amakumi cinimbali yano yatakweti ivyala ni vikando vikulu yasolanga amalakasi aponanga ukwi tebulo lyane. Leza watacita icilanduzi kunondi pali vino nayacitile.” Lyene iyamusenda ku Yelusalemu, akuno aya afwila.