Aina Levi 24:15 - Amazwi Yakwe Leza 2013

¹⁵ Lyene unene aina Izlaeli ukuti umuntu ali wensi wino watipwila Leza wakwe alinzile kuvunukwa.

Aina Levi 24:15 ပူးပေါင်းရင်းမြစ်များ

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

Aina Levi 18:21

Utapeela umwi uwamu ana yako kuti aomviwe mu mapepo yakwe leza Moleki, pano cico cingaleta muzewanya kwi zina lyakwe Leza, Yawe.

Aina Levi 5:1

Amawila akwelela amaifyo yakalondwa pamilandu ii. Ndu muntu yamwama kwi tengo kuti apeele umboni mwi tengo, lelo wakana kulanda vino waweni nanti vino uvwile, umuntu wiyo alinzile kuvunukwa.

Mpendwa 9:13

Lelo ndi kwazanwa umuntu umwi pali yao asi akowele ukulingana ni ntambi nanti asi pa lwendo, nga wakana sile kuzevya Cimulo ca Ucilo, umuntu wiyo alinzile kusukulwa mu antu yao pamulandu wakuti atapile uwila wakwe kuli nene pa nsita ino yasontwa. Umuntu wiyo ali nu kulipa pi ifyo lyakwe.”