Aina Levi 24:11 - Amazwi Yakwe Leza 2013

¹¹ Monsi wii, wino nyina wali mwina Izlaeli, lino yakulwa nu mwina Izlaeli asaalula izina lyakwe Leza, nu kulitipwila. Caleka yamutwala kuli Mose. Nyina wali a Syelomiti, umwana umwanaci wakwe Dibili uwamu mutundu wakwe Dani.

Aina Levi 24:11 ပူးပေါင်းရင်းမြစ်များ

2 Samueli 12:14

Lelo kwene nanti ciye vivyo, umwana wako wene alinzile ukufwa pano wemo wacisile imisuli kuli Yawe.”

1 Yamwene 21:10

Muce musolole penepo antu yaili, iviwelewele kuti yayo kwene ali yano yace yakize pa manso yakwe Naboti nu kumupeela umulandu wa kutuka Leza pamwi nu mwene. Lyene mumufumizye kunzi, alino mumutame na mawe kuti afwe.”

1 Yamwene 21:13

Lyene antu yaya yaili viwelewele yiza yikala ulunga na Naboti. Alino iyatandika kupeela Naboti umboni waufi papa kwene pa manso ya antu, yati, “Naboti watatuka Leza pamwi nu mwene.” Acino antu yalya yafumizya Naboti kunzi ya musumba, akuno yaya yamutama na mawe mpaka afwa.

2 Yamwene 18:30

Nupya mutaleka Hezekiya amulyombeleke ukutaila muli Yawe. Mutelenganya ukuti Yawe alamupususya, nanti ukulesya ivita vyaku Asilya ukumulema nu kuzinguluka umusumba winu.

2 Yamwene 18:35

Uzye alilaci fwandi lino tuleza utwa mpanga zyonsi zii twatazile itutuula impanga yao imwi uku mwene witu? Ale fwandi icani calenga kuti mwelenganye ukuti Yawe a Leza angatuula Yelusalemu?”

2 Yamwene 18:37

Lyene Eliakimu umwana umonsi wakwe Hilikiya kangalila wakwisano, na Syebina kalemba na Yowa umwana umonsi wakwe Asafu, kasunga wa milandu, yene iyaya kuli Hezekiya, ala yatiyalepola ivyakuzwala vyao umu ulanda, nu kuyanena umwene wao vino umukalamba wa vita vya ina Asilya avwanzile.

2 Yamwene 19:10

“Utaleka Leza wako wiyo wino wataila, akutumpike ati Yelusalemu atalapeelwa mu makasa yane ne mwene waku Asilya.

2 Yamwene 19:22

Uzye watumanya wino ukutuka nu kusaalula? Uzye aweni wino ukusaalula? Uzye asi nene ne Wamuzilo uwa ina Izlaeli.

2 Yamwene 19:6

nawe aswilizya amazwi yauze ati, “Kanenini umusambazi winu ukuti, Yawe wavwanga wati, ‘Mutazakaza nanti panono apa mazwi ya ina Asilya yano yatiyantukola ne Yawe.’

Yobo 1:11

Lelo ndi cakuti wapokolola na vyonsi vino akweti, umalola wakutuka ale ukuvwa nu kuvwa!”

Yobo 1:22

Umu uzanzo uwo onsi, Yobo atatazile aifye nanti cimwi nanti ukupeela Yawe umulandu.

Yobo 1:5

Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

Yobo 2:5

Lelo ndi cakuti wemo wala wakumya ku mwili wakwe nu kumutota, cawaya, ulalola vino alakutuka nu kukutipwila ale ukulola nu kulola!”

Masamu 74:18

Waiusya, we Yawe, ukuti anisi yako yakukuseka, nga ni viwelewele vikukusausya.

Masamu 74:22

Katuka we Leza, uipokolole we mweneco! Wiusye nu kuti iviwelewele vikakusausya umusanya onsi.

Kufuma 18:22

Leka yaa yapingula imilandu amanda yonsi. Yangaleta sile imilandu ikome kunuli. Lelo tumilandu tunono aliyo yapingula. Mu musango uu, utalaombesya ndi waleka kuti yakwazwa.

Kufuma 18:26

Intunguluzi zii zyapingulanga antu amanda pe. Imilandu ikome itupu iyatwala kuli Mose, lelo tumilandu tunono aliyo yapingulanga.

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Kufuma 22:28

“Utakavwange mazwi ya misuli kuli Leza nupya utakatipwile intunguluzi ya antu inu.

Kufuma 3:15

Leza anena Mose na mazwi kwene yaa ati, “Nena aina Izlaeli ukuti ne Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo, natinkutuma kunoyali. Lii, ilili zina lyane amanda pe, nupya vii avino inkulo zyonsi zyaku nkolelo zilangama.

Ezaya 8:21

Antu yalalulumba sile umu nsi. Lelo ale yatiyasila. Ndi yuuvwa inzala, yalaya asoke wakwe cimwi. Yalatukola nu wayateka kwene ivitusi kumwi na Leza wao kwene. Yalati akula yalingamila mwiyulu,

Aina Levi 24:10

Kwali umuntu umwi wino isi wali mwina Eguputo, lelo nyina wene wali mwina Izlaeli. Uwanda umwi umuntu wi iyalemanila nu mwina Izlaeli mukasi ka nsakwe.

Mateo 26:65

Lyene Simapepo Mukulu alepula mwingila wakwe, avwanga ati, “Watuvwanga mazwi ya misuli apali Leza. Tusikulonda umboni nauze! Ndakai mwati muvwa mazwi ya misuli apali Leza.

Loma 2:24

Malembelo yakati, “Mwe Ayuda, mwemwe mwaleka kuti Akulukuwa yavwanga mazwi ya misuli kuli Leza.”

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

Umbwilo 16:11

nga yavwanga mazwi ya miponto kuli Leza wa kwiyulu, pamulandu wa kuwaya kwa vilonda vyao. Lelo yatazenzwike nu kuleka miyele yao iipe.

Umbwilo 16:21

Vitalawe vikulu cuze, ivinyome kulingana na makilo makumi yasano, navyo vifuma mwiyulu nu kuponela pa antu. Antu yaa yavwanzile mazwi ya miponto kuli Leza pamulandu wakuti cilumbelo cii cali cakofya cuze.