Aina Levi 23:6 - Amazwi Yakwe Leza 2013

⁶ Pa wanda uwalenga ikumi na yasano ala Cimulo ca Mukate usi na Citutumusi catandika. Lyene pa manda cinimbali mutalinzile kulya umukate uli onsi uno muli icitutumusi.

Aina Levi 23:6 ပူးပေါင်းရင်းမြစ်များ

Kufuma 12:14

Uwanda uu, uwa ciusizyo. Mulinzile kuzevya pa wanda wakucindikilapo Nene ne Yawe. Mwazevya uwanda uu mu mikulo inu yonsi.”

Kufuma 23:15

Mwazevya Cimulo ca Mukate usi na Citutumusi. Wakwe vino namupiile ilamulo mwalya umukate usi na citutumusi pa manda cinimbali mu mwezi wakwe Abibu, pa nsita ino cikacitikila, pamulandu wakuti mu mwezi kwene uwo alino mwafumile mu Eguputo. Kusi umuntu wakwiza ku ng'anda yane minwe.

Kufuma 34:18

“Mwazevya Cimulo ca Mukate usi na Citutumusi, wakwe vino namupiile ilamulo. Mwalya umukate usi na citutumusi pa manda cinimbali mu mwezi wakwe Abibu, pano mu mwezi kwene uu, ali lino mwafumile mu Eguputo.

Malango 16:3

Apa kulya icakulya cico mutakezye ukulya imikate umuli icitutumusi. Pa manda cinimbali musi nu kulya umukate umuli icitutumusi, wakwe vino mwacisile lino mwafumile mu mpanga ya Eguputo mu lwilo. Mukalye imikate iyo wa mikate ya ucuzi, pamulandu wakuti ilamwiusya vino mwacuzile cakuti amanda yonsi yano mulikala pano nsi mulaiusya uwanda ulya uno mwafumile mu mpanga ya Eguputo.

Malango 16:8

Pa manda mutanda muce mwalya imikate isi na citutumusi. Lelo pa wanda uwalenga cinimbali, muce mwakongana pamwi nu kucindika ca pamwi Yawe Leza winu, nupya kusi ukuomba umulimo pa wanda uwo.