Aina Levi 23:39 - Amazwi Yakwe Leza 2013

³⁹ “‘Lino mwamala ukuzombola ivilimwa mu vyalo vinu, mwazevya cimulo cii pa manda cinimbali, ukutandika pa wanda uwalenga ikumi na yasano uwa mwezi wakwe cinimbali. Uwanda wakutandika ulinzile ukuya uwanda wamuzilo uwakupuza.

Aina Levi 23:39 ပူးပေါင်းရင်းမြစ်များ

Kufuma 23:16

Mwazevya cimulo pa manda ya kuzombola iviseekwa vinu ukufuma mu vyalo vinu. Mwazevya cimulo ca wanda wa kusezya vya uzombozi vyonsi ku kusila kwa mwaka, lino mukukoozya vilyo vinu vyonsi.

Aina Levi 23:24

“Nena aina Izlaeli uti, ‘Pa wanda wakutandika uwa mwezi uwalenga cinimbali, mwasunga uwanda, pano uwanda uwa kupuza, nupya mwakongana pamwi ku mapepo lino intandala yalila.

Aina Levi 23:34

“Nena aina Izlaeli, uti, ‘Cimulo ca nsakwe cikatandika pa wanda uwalenga ikumi na isano, mu mwezi wakwe cinimbali nu kutwalilila pa manda cinimbali.

Aina Levi 23:36

Pa manda cinimbali, cila wanda mulinzile ukupeela amawila akocela Yawe. Nupya pa wanda uwalenga cinani mulinzile kukongana pamwi ku mapepo nu ku kupeela amawila akocela Yawe. Uu, uwanda wa mapepo nupya mutalinzile ukuomba umulimo nanti umwi.

Aina Levi 23:38

Vimulo vii, ivyakulunda pa Masabata ya Mwene yano mukakwata lililili, nga na mawila kwene yaa, nayo kwene akulunda pa mawila yano mukapeela lililili, na pa mawila inu akufikilizya milapo, alino na pa mawila inu akuitemelwa yano mukapeela kuli Yawe.

Aina Levi 23:40

Pa wanda wakutandika, mwasenda iviseekwa vinu visuma ukuluta ukufuma ku vimuti vinu ivya viseekwa. Mwasenda misambo ya tuncindu ni misambo ya vimuti vino vyakwatisya mafwa. Ndi mwacita vii alino mutandika cimulo ca mapepo yakucindika Yawe, Leza winu.

Malango 16:13

“Lino mulamala ukupuula ingano pa lwano nu kufena amatingi inu yonsi, ali lino muce mwazevya Cimulo ca Nsakwe pa manda cinimbali.