Aina Levi 23:38 - Amazwi Yakwe Leza 2013

³⁸ Vimulo vii, ivyakulunda pa Masabata ya Mwene yano mukakwata lililili, nga na mawila kwene yaa, nayo kwene akulunda pa mawila yano mukapeela lililili, na pa mawila inu akufikilizya milapo, alino na pa mawila inu akuitemelwa yano mukapeela kuli Yawe.

Aina Levi 23:38 ပူးပေါင်းရင်းမြစ်များ

2 Milandu 31:14

Kole, umwana umonsi wakwe Imuna umwina Levi wino wali a kalinda mukalamba wapa mpongolo yaku ufumondaka wa Ng'anda ikulu yakwe Leza, uwapilwe umulimo wakupokelela amawila yano yapeelwa mukuitemelwa kuli Yawe, nga nakuti aliwe aankanya ningo amawila kwene yayo.

Masamu 56:13

pano watumpususya ku mfwa, utalesile kuti yancimvye foo. Ali cino fwandi nemo inkaipitila na pa manso yako, umu luswepo ulukakozezya aumi.

Masamu 76:12

Pano wene akatembola intunguluzi zya vilumba, nupya yamwene nayo yakamoopa.

Ezekelo 46:12

“Intunguluzi ino ili pakuteeka, lino ilaitemelwa iine yonga ukuntuula ne Yawe, uwila wakoca, nanti sile uwila wa utandano, yace yaiyulila impongolo yaku ufumondaka apa kwingila umu musolo wa mwilinga lya mukasi. Nayo alino ilatuula impolelwa yakweyo iyakooca nanti iya kuminkana ndi vino ikacita pee apa wanda wi Sabata. Alino lyene ilafumila apanzi, nga na pacisila impongolo ikayalikwe.”

Aina Levi 19:3

Cila muntu alinzile kucindika isi, nupya alinzile kuyela isunde li Sabata wakwe vino napeela ilamulo kunomuli. Nene Yawe Leza winu.

Aina Levi 23:3

Mwaomba imilimo inu mu manda mutanda. Lelo mwaiusya ukuti uwanda uwalenga cinimbali uwanda wi Sabata, wanda wa kupuza. Pa wanda uwo mutaomba imilimo. Lelo mwakongana ku mapepo. Uwanda wi Sabata uwakwe Yawe, usi mulandu ni cifulo cino mukaikalako.

Aina Levi 23:37

“‘Vii, vili vimulo vya upefi lino mukucindika Yawe pa kukongana pamwi ku mapepo, nu kupeela amawila akocela Yawe, amawila yakoca, amawila ya cakulya, impolelwa nga na mawila ya vyakumwa kulingana navino cikulondekwa uwanda nu wanda.

Aina Levi 23:39

“‘Lino mwamala ukuzombola ivilimwa mu vyalo vinu, mwazevya cimulo cii pa manda cinimbali, ukutandika pa wanda uwalenga ikumi na yasano uwa mwezi wakwe cinimbali. Uwanda wakutandika ulinzile ukuya uwanda wamuzilo uwakupuza.

Mpendwa 29:39

“Vivyo ali vyeo vino muli nu kulondela pa kupeela amawila kuli Yawe mu manda inu yonsi a vimulo vyakuzevya. Vii, ali vya kulunda pa mawila inu akufikilizya ulayo uwakuzanzya Yawe, alino na pa mawila yakoca pamwi na mawila ya cakulya na a vyakumwa, nga na pa mawila autandano.”

Malango 12:6

Ali pano mulamupeelela amawila inu akoca ni mpolelwa zyuze, ivikumi na mawila, amawila yano mwalaya ukupeela kuli Yawe, alino na mawila akuitemelwa mweisikulu, kumwi na mayeli ya ng'ombe ni mfwele zinu.