Aina Levi 23:27 - Amazwi Yakwe Leza 2013

²⁷ “Uwanda uwalenga ikumi, uwa mwezi uwalenga cinimbali, uli wanda wakucita ulutambi lwa kufuta amaifyo. Pa wanda uwo mutaomba nanti cimwi foo. Mwakongana sile pamwi ku mapepo nu kupeela uwila wa usu kuli Yawe.

Aina Levi 23:27 ပူးပေါင်းရင်းမြစ်များ

Ezila 8:21

Kuku kwene uku luzi lwa Aava, nemo ne Ezila napiile antu amasunde akuti swemo swensi tutale tute ukulya, pakuti tuicefye kuli Leza, tumupapate apakuti atutungulule umu ulendo witu nu kutucingilila, sweswe pamwi na ana itu, kumwi ni vyuma vitu vyonsi.

Masamu 35:13

Lino yene yalwala, nemo nkazwala vyakuzwala vya ndosya, nu kulya inta nu kulya. Ala nkupepa ninamike nu mutwe umu mpamba zyane,

Kufuma 30:10

Cila mwaka Aaloni akaacita lutambi lwa kufuta amaifyo pa mpembe zya kavuwa kako iila lyonga. Akaaswefya kavuwa iila lyonga pa mwaka nu wazi wa nyama zya mawila ya kufuta amaifyo. Vintu vii vikacitwa mu nkulo zikwiza zyonsi. Kavuwa kwene kaa kalaya kamuzilo cuze, nupya kene kapaatulwa kuli Yawe.”

Ezaya 58:5

Lino mukuta ukulya, mukaicuzya sile mwe eneco, mukakontamika imitwe inu kwati amusanze wino watakunga ulumi, nu kulala pa visakati nu mwitwi, uzye mwemo mukuti ali kuta ukulya? Uzye uli wanda uno Yawe angatemwa, vwile?

Aina Levi 16:11

Aaloni alinzile ukupeela cipambasi kuti aye uwila wa kwelela amaifyo yakwe, alino acite ulutambi lwa kufuta amaifyo yakwe nga na maifyo ya amu ng'anda yakwe, nga alinzile kufyula cipambasi uwa wila wa kwelela amaifyo yakwe.

Aina Levi 16:15

Pacisila cakwe cico, alinzile kufyula imbuzi ya wila wa kwelela amaifyo ya antu. Alete uwazi wa mbuzi iyo mu Ncende Yamuzilo kuluta. Alino atoole uwazi uwo asanse pa ntupiko ya Mbokosi ya Upangano nga nu ku nkolelo ya Mbokosi ya Upangano, wakwe vino waliwacita nu wazi wakwe cipambasi.

Aina Levi 16:16

Vii, avino Aaloni ali nu kucita pa lutambi lwa kuswefya Ncende Yamuzilo kuluta ku mifitalila ya ina Izlaeli nu ku maifyo yao Alinzile kucitila ni Taalu lya Ukongano icili cimwi kwene pamulandu wakuti lyaya pa nsakwe ikowele.

Aina Levi 16:24

Alinzile kufulala umwili onsi lino acili mu Ncende Yamuzilo, alino azwale insalu zyakwe. Pacisila cakwe cico, alinzile kufumila panzi alino apeele impolelwa ya wila wakoca, ya lutambi lwa kufuta amaifyo yakwe na maifyo ya antu.

Aina Levi 23:26

Yawe anena Mose ati,

Aina Levi 23:28

Mutaomba nanti umulimo umwi pa wanda uwo, pamulandu wakuti uli wanda wakucita ulutambi lwa kufuta amaifyo inu.

Aina Levi 25:9

Lyene pa wanda uwalenga ikumi, uwa mwezi uwalenga cinimbali uwanda wa kwelela amaifyo, mwatuma umuntu kuti alizya intandala mu mpanga yonsi.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Milimo 27:9

Pene twatenzipo insita ntali, kusuka kuya ni ntazi yakupita pali yemba, nu Wanda wa kuizilizya ukulya pa kwelelwa maifyo, ala wapita. Caleka Paulo ayasoka ati,

Yakobo 4:9

Muye nu ulanda, mwalosya nu kulila minsozi. Tini kuseka, tandikini kulosya. Tini kuzanga, tandikini kukungumala!