Aina Levi 23:17 - Amazwi Yakwe Leza 2013

¹⁷ Kuli konsi kuno mukwikala, cila ng'anda ili nu kuleeta imikate iili nu kuipeela wa mawila kuli Yawe. Cila mukate ulinzile kupangwa na makilogalamu yaili a usu utonyoleke, utikinkanye ni citutumusi. Mikate ii, ilinzile kupelwa kuli Yawe wa wila wakuswelula uwa vizao vyankolelo.

Aina Levi 23:17 ပူးပေါင်းရင်းမြစ်များ

Neemiya 10:37

Lyene uku miputule ya kusungilamo cuma mu Ng'anda ikulu yakwe Leza witu tukaatwalila yasimapepo, usu wankolelo wa ngano, amawila ya mbezu, ni viseekwa vya miti itu yonsi nga na waini mupya na mafuta yapya kwene. Nupya tukaaleta ni cikumi ca vilyo vitu ku ina Levi, pano alio yakasanguzya icikumi mu misumba yonsi muno tukaomba.

Kufuma 22:29

“Mwampeela amawila ukufuma ku vyauzombozi winu na waini winu pa nsita ino vyapeelwa. “Mwampeela mayeli inu aonsi.

Kufuma 23:16

Mwazevya cimulo pa manda ya kuzombola iviseekwa vinu ukufuma mu vyalo vinu. Mwazevya cimulo ca wanda wa kusezya vya uzombozi vyonsi ku kusila kwa mwaka, lino mukukoozya vilyo vinu vyonsi.

Kufuma 23:19

“Cila mwaka mwaleta ku ng'anda yakwe Yawe vya uzombozi vinu vyankolelo. “Mutaeleka kana ka mfwele nanti ka mbuzi mwi ziya lyakwe nyina.

Kufuma 34:22

“Mwazevya Cimulo ca Uzombozi lino mukuzombola vizao vyankolelo vya ngano, nu kuzevya Cimulo ca Nsakwe lino mukukoozya uzombozi winu apa mpela ya mwaka.

Kufuma 34:26

“Mwaleta iviseekwa vyankolelo vya uzombozi winu visuma ku ng'anda yakwe Yawe, Leza winu. “Mutaelekela umwana wa mfwele nanti umwana wa mbuzi mwi ziya lyakwe nyina.”

Aina Levi 2:12

Amawila ya uzombozi wankolelo cila mwaka ulinzile kutwala kuli Yawe. Lelo utalinzile kuyocela pa kavuwa wa wila uwa mununko usuma ukazanzya Yawe.

Aina Levi 23:10

“Nena aina Izlaeli, uti, ‘Lino mulingila mu mpanga ino Yawe akupeela kunomuli, ndi mwazombola imbezu zyamu vyalo vinu, mukatala mupela umwanzi wankolelo kuli simapepo.

Aina Levi 23:18

Pamwi nu mukate, iuvi lili nu kupeela utwana twa mfwele cinimbali twa mwaka onga, na kacipambasi konga, na yasuuku yaili. Vyonsi vivyo vilinzile ukuya ivyaula ulema. Vilinzile ukupelwa wa wila wakocela Yawe pamwi nu wila wa cakulya alino nu wila wa vyakumwa. Uwila uu uwa mununko usuma ukazanzya Yawe.

Aina Levi 7:13

Ukungilizya pa wila wa utandano, alete umukate utikame umuli citutumusi.

Mpendwa 15:17

Yawe apeela Mose

Mpendwa 18:12

“Anene ne Yawe nakupeela uzombozi usuma cuze uwa vyakulya vyankolelo ivili wa mafuta ya miolivi, waini, pamwi ni ngano.

Mpendwa 18:13

Vyonsi sile awewe Aaloni nakupeela. Nu muntu wensi uwamu ng'anda yako ndi cakuti musanguluke angalya kweneko.

Mpendwa 28:26

“Pa wanda wankolelo uwakuzevya Cimulo ca Uzombozi, lino mukapeela iviseekwa vyankolelo kuli Yawe, muce mwakongana pamwi ku kupepa, nupya mutakezye ukuombamo umulimo uli onsi uno ukaombwa lyonsi.

Mateo 13:33

Yesu ayanena mulumbe nauze ati, “Uwene wa mwiyulu ukoline wa citutumusi cino umwanaci watozile atikanya nu usu wa ngano uwingi kufika lino umunya watutumuka.”

Loma 8:23

Lelo usi uumbo utupu ukateta. Naswe kwene swe muno twapokelela uwila wa Mupasi Wamuzilo uno Leza watalike ukutupela uwa pa mawila yakwe, tukateta cimyamya, ala tukulolela Leza ukutucita ana yakwe nu kukulula mili itu.

1 Kolinto 15:20

Lelo cumi Klistu wazyukuka kufuma ku afwe! Nupya akusininkizya kunotuli ukuti yauze nayo kwene yalazyukuka kufuma ku afwe.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.