Aina Levi 23:10 - Amazwi Yakwe Leza 2013

¹⁰ “Nena aina Izlaeli, uti, ‘Lino mulingila mu mpanga ino Yawe akupeela kunomuli, ndi mwazombola imbezu zyamu vyalo vinu, mukatala mupela umwanzi wankolelo kuli simapepo.

Aina Levi 23:10 ပူးပေါင်းရင်းမြစ်များ

Kufuma 22:29

“Mwampeela amawila ukufuma ku vyauzombozi winu na waini winu pa nsita ino vyapeelwa. “Mwampeela mayeli inu aonsi.

Kufuma 23:16

Mwazevya cimulo pa manda ya kuzombola iviseekwa vinu ukufuma mu vyalo vinu. Mwazevya cimulo ca wanda wa kusezya vya uzombozi vyonsi ku kusila kwa mwaka, lino mukukoozya vilyo vinu vyonsi.

Kufuma 23:19

“Cila mwaka mwaleta ku ng'anda yakwe Yawe vya uzombozi vinu vyankolelo. “Mutaeleka kana ka mfwele nanti ka mbuzi mwi ziya lyakwe nyina.

Kufuma 34:22

“Mwazevya Cimulo ca Uzombozi lino mukuzombola vizao vyankolelo vya ngano, nu kuzevya Cimulo ca Nsakwe lino mukukoozya uzombozi winu apa mpela ya mwaka.

Kufuma 34:26

“Mwaleta iviseekwa vyankolelo vya uzombozi winu visuma ku ng'anda yakwe Yawe, Leza winu. “Mutaelekela umwana wa mfwele nanti umwana wa mbuzi mwi ziya lyakwe nyina.”

Ezekelo 44:30

Yasimapepo ali yano yamatolanga ivizao vyonsi vyankolelo ivisuma, ni vintu vyonsi ivimatuulwanga kunondi. Lyonsi sile lino antu yapanga imikate, yace yapelako yasimapepo umukate wankolelo, ali pakuti upolelelo wane waya umu mang'anda yao.

Aina Levi 14:34

“Lino mulingila mu mpanga ya Kenani, ino nkupeela kunomuli kuti iye iyakwinu, ndi cakuti umuntu umwi wazana ukuti Yawe watatuma kuvuvuma mu ng'anda yakwe,

Aina Levi 23:11

Simapepo alinzile ukupeela umwanzi uwo uwila kuli Yawe pakuti mungapolelelwa. Simapepo alinzile ukupeela umwanzi uwo pacisila ca wanda wi Sabata.

Aina Levi 23:17

Kuli konsi kuno mukwikala, cila ng'anda ili nu kuleeta imikate iili nu kuipeela wa mawila kuli Yawe. Cila mukate ulinzile kupangwa na makilogalamu yaili a usu utonyoleke, utikinkanye ni citutumusi. Mikate ii, ilinzile kupelwa kuli Yawe wa wila wakuswelula uwa vizao vyankolelo.

Aina Levi 23:9

Yawe anena Mose ati,

Mpendwa 15:2

kuti anene aina Izlaeli ukuti lino yingila mu mpanga ino akuyapeela pakuti yikale mwenemo

Mpendwa 28:26

“Pa wanda wankolelo uwakuzevya Cimulo ca Uzombozi, lino mukapeela iviseekwa vyankolelo kuli Yawe, muce mwakongana pamwi ku kupepa, nupya mutakezye ukuombamo umulimo uli onsi uno ukaombwa lyonsi.

Loma 11:16

Pano ndi cimokolwa ca nkolelo ca mukate capeelwa kuli Leza, ale nu mukate onsi kwene uwakwakwe. Ndi misisi ya muti yapeelwa kuli Leza, ale ni misambo kwene iyakwakwe.

Malango 16:9

“Muce mwapenda imilungu cinimbali ukufuma pa wanda uno mwatandika ukuzombola ingano zinu,

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

Yoswa 3:15

Lyene Luzi lwa Yodani lukasambela monsi mu nsita yonsi iya uzombozi, nga lelo zuwazuwa lino yasimapepo asenzile Mbokosi ya Upangano yafika ku Yodani nga ni ngazo zyao zyakumya amanzi mu mbali,

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.

Luti 1:22

Fwandi avino Naomi wawelulwike kumwao ukufuma ku mpanga ya Moabu. Wene wali na Luti, nyinavyala umwina Moabu. Yafisile ku Betelemu pa nsita ya kutandika ukuzombola baale.