Aina Levi 22:8 - Amazwi Yakwe Leza 2013

⁸ Simapepo atalinzile kulya inyama ino yaifwila nanti ino yatikomwa ni cilyanyi ca mpanga, pano ingamulenga ukuya uwamifitalila. Nene Yawe.

Aina Levi 22:8 ပူးပေါင်းရင်းမြစ်များ

Kufuma 22:30

Mwampeela mayeli ya ng'ombe ni mfwele ni mbuzi zinu. Mwaleka iyeli lyaviko na nyina amanda cinimbali, na pa wanda uwalenga cinani mulipeela kunondi.

Kufuma 22:31

“Mwemwe antu yane. Caleka mutalinzile ukulya inyama ya citeekwa cino cakomwa ni cilyanyi ca mpanga. Inyama iyo mupeele kuli yasimbwa.

Ezekelo 4:14

Lelo nani navwanzile nati, “Awe, vivyo foo we Yawe Simwandalali! Nemo ntatala nailikizya. Ukutandikila sile uku ulumendo wane ukufika na pilelo, ntatala nalya icintu iciifwile nanti icilemwe ni nyama zya mpanga. Inyama ya mifitalila itatala ingila umukanwa kane foo.”

Ezekelo 44:31

Yasimapepo yatakalye icunyi icaifwila, nanti inyama iyaifwila, nanti citeekwa icakomwa ku citeekwa cuze.

Aina Levi 17:15

“Mwina Izlaeli ali wensi nanti mwinamasi wino akwikala mwi uvi lya ina Izlaeli ndi walya inyama ino yatiifwila nanti ino yatilumwa ni cilyanyi ca mpanga, alinzile ukufula insalu zyakwe nu kufulala umwili onsi, nupya aye uwamifitalila kufika ku manguzi.

Aina Levi 7:24

Mafuta a nyama ino yaifwila na a nyama ino yakomwa ku cilyanyi ca mpanga, yene mungayaomvya ku milimo yuze iili yonsi, lelo mutalinzile ukuyalya.

Malango 14:21

“Mutakezye ukulya icintu icili consi icaifwila. Umwinamasi uwiza wino mukaikala nawe mungamupeela alye. Ndi mukasi mungakazya ku inamasi yauze. Lelo mwemwe yakwe Yawe Leza winu. Mwemwe antu yakwe. “Mutakezye ukwelekenkanya akana ka mbuzi nanti aka mfwele mwi ziya lyakwe nyina.