Aina Levi 22:21 - Amazwi Yakwe Leza 2013

²¹ Lino umuntu ali wensi akupeela uwila wa utandano kuli Yawe apa ng'ombe nanti imfwele nanti imbuzi, nanti ungaya uwa ufikilizyo wa mulapo nanti uwila wakuitemelwa, inyama iyo ilinzile ukuya iyaula ulema nanti ndema pakuti ipokelelwe.

Aina Levi 22:21 ပူးပေါင်းရင်းမြစ်များ

Utandiko 28:20

Lyene Yakobo alaya nu mulapo kuli Yawe ati, “Ndi ulaya nani nu kuncingilila mu ulendo wane uno nkweti, nu kumpela ivyakulya ni vyakuzwala,

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Kufuma 35:29

Caleka aina Izlaeli yonsi aonsi na anaci kwene yano yalondanga kupeela vintu vyao nu mwenzo wao onsi ku milimo ino Yawe wapeezile ilamulo kupitila muli Mose, yaleta amawila yao akuitemelwa kuli Yawe.

Mapinda 7:14

“Nemo ilelo nalindi wakutuula uwila wautandano, nafikilizya ilelo ulayo wane.

Aina Levi 22:22

Mutapela kuli Yawe inyama ili yonsi ino yatonkoka manso, nanti ya ulema nanti ikazwa uwazi nanti ino ikweti icilonda cino cikuzwa, nanti ya vinkwemba nanti ya viyazi. Mutapela inyama ili yonsi ya musango uwo pa kavuwa wa wila wakocela Yawe.

Aina Levi 3:1

“‘Muntu ndi akupeela uwila wa utandano kuli Yawe, uwila uwo ndi acipambasi wa ng'ombe nanti indama, ulinzile ukuya uwaula ulema.

Aina Levi 3:6

“‘Muntu ndi akupeela uwila wa utandano kuli Yawe, ndi uwila uu a suuku nanti imfwele yakaci, yene ilinzile ukuya iyaula ulema.

Mpendwa 15:3

na lino yakupeela kuli Yawe amawila yakoca pa moto ukufuma mu ufyo wa mfwele nanti uwa mbuzi, cingaya amawila yakoca nanti impolelwa yakufikilizya ulayo, nanti tuti amawila yano aisikulu yaitemilwe ukupeela, nanti amawila yakucindika kuzevya kwa manda yao akulu aupefi, nanti uwila wa mununko usuma ukazanzya Yawe.

Mpendwa 15:8

Nga wapeela kuli Yawe kacipambasi ka wila wakoca nanti uwa kufikilizya ulayo, nanti sile uwila wa utandano,