Aina Levi 22:2 - Amazwi Yakwe Leza 2013

² “Nena Aaloni pamwi na ana yakwe aonsi uti, ‘Mwacindika ivyamuzilo vino aina Izlaeli yakapeela kunondi, pakuti yataleta muzewanya pi zina lyane lyamuzilo. Nene indi Yawe.

Aina Levi 22:2 ပူးပေါင်းရင်းမြစ်များ

Ezila 8:28

Nemo pali pakunena yasimapepo inti, “Mwemo mwemwe antu apaatwilwa Yawe, Leza wa vikolwe vinu kumwi ni viya vyonsi vyakwe zaabu vino yatuuzile Leza mu kuitemelwa.

Kufuma 13:12

Mulinzile kupaatwila Yawe ana yonsi mayeli aonsi. Maeli ya nyama zinu yonsi nayo kwene mwayapaatwila kuli Yawe. Vyonsi vii ivyakwe Yawe.

Kufuma 28:38

Aaloni akazwala pa mpumi yakwe, pakuti mu musango uu, Aaloni aliwe asende maifyo ya ina Izlaeli yano yacita lino yakupeela amawila kunondi. Nani ndapokelela amawila yao. Aaloni aazwala ciyembelo pali tulibani wakwe insita zyonsi.

Ezaya 52:11

Pitangini, pitangini, fumini mu Babiloni! Mutezya muleme vyamankowezya mwe muno mukusenda iviya vyamuzilo vyakwe Yawe fumini mwenemo muisangulule.

Ezekelo 44:8

Mu cifulo ca kuomba umulimo wane umu Ng'anda yane ikulu, mwemo mwikapo muze apa cifulo cinu awino amaomba imilimo iyo mwenemo.

Aina Levi 15:31

Yawe wanenyile Mose kuti asoke aina Izlaeli pamulandu wa mifitalila yao pakuti yatakowezya Itaalu lya Ukongano lino lyali pakasi ka nsakwe. Pano ndi yalikowizye, yangakomwa.

Aina Levi 18:21

Utapeela umwi uwamu ana yako kuti aomviwe mu mapepo yakwe leza Moleki, pano cico cingaleta muzewanya kwi zina lyakwe Leza, Yawe.

Aina Levi 19:12

Mutalapa ufi mwi zina lyane. Cico cikaleta muzewanya pi zina lyane. Nene Yawe Leza winu.

Aina Levi 20:3

Muntu umwi ndi wapeela ana yakwe kuli Moleki nu kulenga Itaalu lyane lyamuzilo ukuya lyamifitalila, nupya nu kuzewanya zina lyane lyamuzilo, umuntu wiyo indamufutatila nu kumusukula mu antu yane.

Aina Levi 21:6

Simapepo alinzile ukuya wamuzilo nupya atalinzile kuzewanya izina lyane. Pamulandu wakuti simapepo akapeela amawila akocela Yawe, alinzile ukuya wamuzilo.

Aina Levi 22:1

Yawe anena Mose ati,

Aina Levi 22:32

Mutaleta muzewanya pi zina lyane ilyamuzilo. Aina Izlaeli yonsi yalinzile kunzumila ukuti nene wamuzilo. Nene indi Yawe nupya nkalenga kuti muye amuzilo.

Mpendwa 18:32

Mutange mupelwe mulandu ndi mwalya, cikulu mutale mupeele icipande cizipisye kuli Yawe. Lelo cisi cakwezya ukukowezya amawila ya ina Izlaeli, mu kutala imulya penepo uwila umwi lino mutacili mupeele icipande cizipisye kuli Yawe. Ndi mwaca mumacita vivyo mulafwa.”

Malango 15:19

“Mupaatwile Yawe Leza winu amayeli yonsi akalume a ng'ombe na a mfwele. Mutakezye ukuomvya iyeli lyakwe yamasaye ilya ng'ombe zinu nanti ukusenya amavumbu imfwele ili yonsi pa mfwele zii.