Aina Levi 22:15 - Amazwi Yakwe Leza 2013

¹⁵ Yasimapepo yatalinzile kukowezya impolelwa zyamuzilo,

Aina Levi 22:15 ပူးပေါင်းရင်းမြစ်များ

Kufuma 28:43

Aaloni na ana yakwe yazwala vikwene vii lyonsi lino yakwingila mwi Taalu lya Ukongano, nanti lino yapalamila ku kavuwa ku kuntumikila mu Ncende Yamuzilo, koopa kuti limwi angacita maifyo nu kufwa. Ilamulo kwene lii lyapeelwa kuli Aaloni nga nu ku amu mupanda wakwe amanda pe.”

Ezekelo 22:26

Yasimapepo yao yakaonona amasunde yane, nupya yasicindika ivyamuzilo vyane. Yasipusanya vyamuzilo ni visi vyamuzilo. Apa kusambizya yasipusanya ivintu ivikakowezya antu ni visikowezya, nupya yasisakamala ni Sabata kwene. Uli mulandu kwene uno aina Izlaeli yasincindikila.

Aina Levi 19:8

Muntu wensi wino walya inyama ya mpolelwa iyo ali nu kupelwa mulandu wa kucita icapaatwilwa kunondi ukuya icintu casilesile. Muntu wiyo alinzile kusukulwa mu antu yane.

Aina Levi 22:16

pakuzumilizya umuntu wensi wino atazumiliziwa kulya impolelwa zizyo. Pano camusango uwo cingaletelela umuntu wino walya mulandu nga nu uvunuko. Nene indi Yawe, nupya nene nkalenga kuti impolelwa ziye zyamuzilo.’”

Aina Levi 22:9

“‘Yasimapepo yonsi yalinzile kusunga malamulo yonsi yano napeela. Ndi yatacisile vivyo yali nu kupelwa mulandu. Nupya yangafwa pamulandu wa kuntayela malamulo yamuzilo. Nene indi Yawe, nene nkalenga kuti yaye amuzilo.

Mpendwa 18:32

Mutange mupelwe mulandu ndi mwalya, cikulu mutale mupeele icipande cizipisye kuli Yawe. Lelo cisi cakwezya ukukowezya amawila ya ina Izlaeli, mu kutala imulya penepo uwila umwi lino mutacili mupeele icipande cizipisye kuli Yawe. Ndi mwaca mumacita vivyo mulafwa.”