Aina Levi 21:5 - Amazwi Yakwe Leza 2013

⁵ “‘Simapepo atakezye ukupela inyele ku mutwe wakwe nanti ukupela mumbali ya vilezu vyakwe, nanti kuicembola ku mwili wakwe, kulanga ukuti watafwilwa.

Aina Levi 21:5 ပူးပေါင်းရင်းမြစ်များ

Ezaya 15:2

Aina Diboni ali pakutumbela umulundu nu kuya ku ncende ya kupepelamo, akuno yalosezya. Pali pakulilila Nebo na Medina, imisumba yao. Pa nsita iyo ala yatiyapela inkuzu uku mitwe, ni vilezu pakulanga ulanda nu kulilizika.

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Yelemiya 16:6

Akama na apina yalafwa mu mpanga kwene ii, lelo kusi umwi alayazika nanti kuyalosya, nanti uwakuicemba nanti ukupela ulukuzu apamulandu wao.

Yelemiya 48:37

Cila muntu lyene watapela ulukuzu ku mutwe nga apeela ni vilezu. Iminwe yakwe ali wensi yaticembolwa. Yonsi yatiyapeteka ivyakuzwala vya ndosya mu misana.

Ezekelo 44:20

Yatakezye ukupela inkuuzu nanti kutengela inyele zyao. Yace yapela inyele zyao mu musango ulinge.

Ezekelo 5:1

Yawe wanenyile ati, “Mwana wa muntu, tola ulupanga ulunyoleke, aluno uomvye wa lwembe lwakwe kapela, uku kupela umutwe wako ni vilezu vyako. Nga alino utoole ivipimo nu kwankanya inyele mu mitumba itatu.

Aina Levi 10:6

Lyene Mose anena Aaloni na ana yakwe aonsi, Eleaza na Itamali ati, “Mutikala ni nyele zyaula kusakula nanti kulepula ivyakuzwala vinu, kulanga ukuti mukulosya. Ndi mwacita vivyo, mumafwa, nupya Yawe angasokela iuvi lyonsi lya ina Izlaeli. Lelo auzo aina Izlaeli yangalosya imfwa ii, iyalenzilwe nu moto uno Yawe watumile.

Aina Levi 21:4

Simapepo atalinzile kuilenga ukuya uwamifitalila pa ndosya zya akazi ka muci wakwe.

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Mika 1:16

Mwe antu aku Yuda, pelini inyele, pakulanga ukuti mukulosya ana inu yano mwatemwa. Mule mupele ulukuzu mpaka muloleke wa makozi, pamulandu wakuti ana inu yalasendwa uku uzya.

Malango 14:1

“Mwemwe antu yakwe Yawe Leza winu. Ali cino fwandi lino mukulosya, cisi cakwezya ukuicembola inkalo nanti ukupela ulukuzu.