Aina Levi 21:15 - Amazwi Yakwe Leza 2013

¹⁵ Ndi simapepo atacisile vivyo, ana yakwe yano yalinzile ukuya amuzilo yalaya amifitalila. Nene indi Yawe, nupya namupaatula kuti aye Simapepo Mukulu.’”

Aina Levi 21:15 ပူးပေါင်းရင်းမြစ်များ

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Ezila 2:62

Antu yayo yezizye ukulonda amazina yao pano yalembwa, lelo iyasuka yaposiwa. Cico icalenzile kuti yayafumye apa milimo yakwe usimapepo apakuzanwa ukuti akowele mu mipepele.

Ezila 9:2

Aina Izlaeli yamwi, ana yao aonsi yatandike ukutwala akazyana ya inamasi. Pali cii umutundu witu uziliziwe wavulungana ni mitundu ya antu yauze. Nupya intunguluzi na antu yakalamba kwene alio yalusizye umu cimvulunganya ca mutundu uu.”

Kufuma 34:16

Nupya limwi ana inu aonsi yangatwala ana yao anaci, nga nayo yangalenga kuti yamfutatile nu kupepa tuluwi twao.

Aina Levi 19:2

kuti anene aina Izlaeli yonsi ati, “Muye amuzilo pamulandu wakuti Ne Yawe Leza winu Nene wamuzilo.

Aina Levi 20:7

Mwaipaatula nu kuya amuzilo. Pano nene indi Yawe Leza winu.

Aina Levi 21:14

Wene atalinzile kutwala umwanaci wino wafwilwa iya nanti wino iya wamuta nanti cizelele. Lelo simapepo alinzile kutoola sile umukazyana atatala wamanya umonsi, kuti aye umuci wakwe. Umukazyana wiyo atatala wamanya umonsi alinzile ukufuma mu aluko lwakwe.

Aina Levi 21:16

Yawe apeela ilamulo kuli Mose

Aina Levi 21:8

Simapepo alinzile kuloleka uwamuzilo ku manso ya antu, pamulandu wakuti ali wino akapeela impolelwa ya mbezu zya mwata wa ngano kunondi. Nene indi Yawe, nene wamuzilo, nupya nene nkalenga antu yane ukuya amuzilo.

Aina Levi 22:16

pakuzumilizya umuntu wensi wino atazumiliziwa kulya impolelwa zizyo. Pano camusango uwo cingaletelela umuntu wino walya mulandu nga nu uvunuko. Nene indi Yawe, nupya nene nkalenga kuti impolelwa ziye zyamuzilo.’”

Malaki 2:11

Antu aku Yuda yasi acumi kuli Leza nupya yacita ivintu iviipe wakwe cimwi mu Izlaeli nu mu Yelusalemu kwene. Yene yakowezya Ng'anda ikulu yakwe Yawe ino wene watemwa. Yene yatwala anaci ainamasi akapepa tuleza tuluwi.

Malaki 2:15

Uzye Yawe atakuumvile kuti uye umwili nu mupasi onga nu muci wako? Uzye wene wakweti ipange cii pa kucita cico? Umulandu uno wene wacitile cico, apakuti ana yano ulakwata yakaye ana yakwe Leza. Acino uisunge, nga utavuna upangano uno wacisile nu muci wako wino watwite mu ulumendo wako.

Mateo 23:17

Mwe mpafu viwelewele mwe! Uzye cino cilusile cuze cili kwi? Uzye a zaabu, nanti Ng'anda ikulu yakwe Leza ino yatilenga zaabu kuya wamuzilo?

Loma 11:16

Pano ndi cimokolwa ca nkolelo ca mukate capeelwa kuli Leza, ale nu mukate onsi kwene uwakwakwe. Ndi misisi ya muti yapeelwa kuli Leza, ale ni misambo kwene iyakwakwe.

1 Kolinto 7:14

Umonsi atataila nawe kwene akaya mwina Leza lino wasakwa ku mwanaci mwina Klistu. Nu mwanaci kwene atataila akaya mwina Leza lino wasakwa ku monsi mwina Klistu.