Aina Levi 21:11 - Amazwi Yakwe Leza 2013

¹¹ Simapepo atalinzile ukwingila mu ncende umuli icala. Wene atalinzile kuilenga ukuya uwamifitalila nanti kukowezya Itaalu lyane lyamuzilo pa kulisya nu kuya ingila mu ng'anda umuli icala. Cisi cimwi cingaya icala cakwe isi nanti nyina kwene,

Aina Levi 21:11 ပူးပေါင်းရင်းမြစ်များ

Aina Levi 19:28

nanti kukala inkalo nanti kukala mpoloto pa mili inu pa kulosya. Nene indi Yawe.

Mpendwa 19:11

Wino wensi uwala wakumya icala ca muntu ali wensi alasyala mukowele pa manda cinimbali.

Mpendwa 19:14

Umuntu ndi cakuti wafwila umwi taalu, isunde ilyakukonka aili. Wiyo wensi uwala wingila umwi taalu kumwi na wiyo ali umwi taalu yalasyala akowele mpaka ukufika pa manda cinimbali.

Mpendwa 6:7

Nanti umwi pa akwasi yakwe wafwa, ciye nanti aumwi pa ina yakwe, asi nu kuikowezya pa kuikumika ku ntambi zya ndosya zyao, pamulandu wakuti inyele izili pa mutwe wakwe cili cimanyililo cakuti wene wapaatwilwa kuli Yawe.

Luka 14:26

“Wensi angiza kunondi atangaya mulondezi wane suka ndi wantemwa kuluta vino watemwa isi na nyina, nu muci na ana yakwe, aina aonsi, na yakaci yakwe, na vino watemwa umi wakwe kwene.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

Malango 33:9

Yene yalanzile ucumi wao kunuli Ukuluta vino yalanzile ku akwasi, nu ku ina yao, nanti nu ku ana yao. Yene yayezile amalamulo yako Nupya yali acumi ku upangano wako.