Aina Levi 21:10 - Amazwi Yakwe Leza 2013

¹⁰ “‘Simapepo Mukulu uwapakwa amafuta akusolwela pa mutwe wakwe nu kutekwa pa cilimba ca usimapepo, nupya waswefiwa kuti azwala ivyakuzwala vya usimapepo. Caleka atalinzile ukupita ni nyele zyakwe zyaula kusaakula nanti kulepola vyakuzwala vyakwe kulanga ukuti ali ni ndosya.

Aina Levi 21:10 ပူးပေါင်းရင်းမြစ်များ

Utandiko 37:34

Lyene Yakobo alepula mwingila wakwe, azwala visamu mu musana ukulanga ulanda. Nga alosya umwana wakwe umonsi pa manda aingi.

2 Samueli 15:30

Lelo Davidi atwalilila ukutumbela Mwamba wa Miolivi, ala akulila lino akuya. Ku mutwe wakwe ala kwati kuvimbwa lelo ku ngazo atazwite cimwi. Antu yonsi ali nawe nayo kwene iyavimba ku mitwe yao, ala yakulila lino yakupita.

Esita 6:12

Alino Modekai aswilila uku mpongolo ya mwene. Hamani wene zuwazuwa aya ukwakwe, ala watavimba apa manso pamulandu wa nsonyi.

Yobo 1:20

Lino Yobo uvwa vivyo, ali pakuvwandamuka, alepola ni laya lyakwe apakulanga ulanda uno wakwata. Alino apeela ni cikuzu. Nga lyene apona na pansi afukama nu kupepa kuli Yawe.

Masamu 133:2

Cili wa mafuta yakankala, yano yakapongolwela pa mutwe, yapongolokela nuku vilezu vyakwe Aloni. Yasuka yafika nu kunsenkewele zya nsalu zyakwe.

Kufuma 29:7

Lyene utoole amafuta akusolwela nga umupongolwele pa mutwe wakwe kuti umulasike.

Ezekelo 24:17

Utezya uleke yuvwe kuno ukusinsimokela. Utazuula insalu ku mutwe nanti kuzuula insapato zyako apa kulanga ukuti uli ni ndosya. Utavimba pa mulomo nanti kwezya ukulya icakulya ca pa ndosya.”

Aina Levi 13:45

Muntu wino walwala tembwe alinzile kuzwala insalu zilepoke, atalinzile kusakula inyele zyakwe. Alinzile kuvimba pa mulomo, nupya alinzile kupunda ale akuti, “Nene wamifitalila, nene wamifitalila!”

Aina Levi 16:32

Simapepo Mukulu wino watekwa pa cilimba ca usimapepo, wino wapaatulwa kuti angapyana isi awino angacita ulutambi lwa kufuta amaifyo. Alinzile kuzwala vyakuzwala vya usimapepo,

Aina Levi 4:3

Muntu wino waifya ndi a Simapepo Mukulu wino wapakwa na mafuta, wene ala waletelela iuvi lyonsi. Lyene alinzile ukupeela kuli Yawe kacipambasi kaula ulema, pamulandu wi ifyo lyakwe. Kako kwene uli wila wa kwelela amaifyo api ifyo lino wacita.

Aina Levi 8:12

Mafuta yamwi akusolwela aitila pa mutwe wakwe Aloni, amupaka nu kumulenga kuti aye mupaatulwe.

Mpendwa 35:25

Iuvi lilinzile kutaasya umuntu wino yapeela umulandu wa utazi wa katwe kuli kalandula wa wazi. Nupya yalinzile kumuswilizya ku musumba wa kuzina kuno wapuukile. Kuli kuno ali nu kutala aikala, suka sile lino Simapepo Mukulu uwapakwa amafuta yamuzilo ace afwe.

Mpendwa 6:7

Nanti umwi pa akwasi yakwe wafwa, ciye nanti aumwi pa ina yakwe, asi nu kuikowezya pa kuikumika ku ntambi zya ndosya zyao, pamulandu wakuti inyele izili pa mutwe wakwe cili cimanyililo cakuti wene wapaatwilwa kuli Yawe.

Mateo 26:65

Lyene Simapepo Mukulu alepula mwingila wakwe, avwanga ati, “Watuvwanga mazwi ya misuli apali Leza. Tusikulonda umboni nauze! Ndakai mwati muvwa mazwi ya misuli apali Leza.