Aina Levi 20:8 - Amazwi Yakwe Leza 2013

⁸ Mwayela masunde yane pano nene indi Yawe, nupya nene nkalenga kuti muye amuzilo.”

Aina Levi 20:8 ပူးပေါင်းရင်းမြစ်များ

Kufuma 31:13

“Nena aina Izlaeli ukuti yalinzile yasunga Sabata, uwanda wane wakupuza, pamulandu wakuti wene cimanyililo ca manda pe pakasi kane namwe nga na izikulu inu, cakulanga ukuti nene indi Yawe wino akamuzilizya.

Ezekelo 20:12

Nayapile na Masabata yane kukuya icimanyililo pakasi kao nani, cakuyamanyisya ukuti akayazifya anene ne Yawe.

Ezekelo 37:28

Lino ndasontapo incende yonga iya kumpepelapo, ilaya lyonsi kumwao. Alino antu ya mitundu yuze yalasinikizya ukuti fwandi nene indi Yawe, naipaalwila nenga antu yane aina Izlaeli.”

Aina Levi 19:19

“Mwayela amasunde yane. Utalenga ukuti inyama zya mwata upusanepusane zyalondelelana. Utakomela misango ya mbezu iili mu calo conga. Utazwala insalu iyapangwa ni nsalu ziili zipusane.

Aina Levi 19:37

Mwayela amasunde na malamulo yane yonsi. Nene indi Yawe.”

Aina Levi 20:26

Mulinzile ukuya amuzilo pa manso yane, akwane nenga mpo, pamulandu wakuti ne Yawe nene wamuzilo. Namupaatula ukufuma ku nko zyonsi pakuti mungaya akwane nenga mpo.’

Aina Levi 21:8

Simapepo alinzile kuloleka uwamuzilo ku manso ya antu, pamulandu wakuti ali wino akapeela impolelwa ya mbezu zya mwata wa ngano kunondi. Nene indi Yawe, nene wamuzilo, nupya nene nkalenga antu yane ukuya amuzilo.

Aina Levi 22:32

Mutaleta muzewanya pi zina lyane ilyamuzilo. Aina Izlaeli yonsi yalinzile kunzumila ukuti nene wamuzilo. Nene indi Yawe nupya nkalenga kuti muye amuzilo.

Mateo 12:50

Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”

Mateo 23:17

Mwe mpafu viwelewele mwe! Uzye cino cilusile cuze cili kwi? Uzye a zaabu, nanti Ng'anda ikulu yakwe Leza ino yatilenga zaabu kuya wamuzilo?

Mateo 5:19

Caleka wino wensi asyayela isunde lyonga linono ilya mu masunde yaa, nu kusambilizya antu kucita vikwene, wene yalamucefya mu Wene wa mwiyulu. Lelo wino wensi akayela masunde yaa nu kusambilizya antu, wene yalamukuzya mu Wene wa mwiyulu.

Mateo 7:24

“Caleka wino wensi akauvwa mazwi yane nu kuyayela, wene wakolana wa muntu wa mano, wino wakuuzile ng'anda yakwe pa lwala.

Yoane 13:17

Ndakai mwati mumanya vintu vii, nga ndi mukuvicita mulaya alongo.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

2 Tesalonika 2:13

Inane, swemo tulinzile kutaizya Leza insita zyonsi pamulandu winu. Leza wamusolwile kufuma ku utandiko kuti mutuulwe kupitila mu maka a Mupasi Wamuzilo nga na pakutaila kuno mwataila cumi pakuti aleke muye antu yakwe amuzilo.

Yakobo 1:22

Mutaisomba mweisikulu pa kuvwa sile mazwi yakwe Leza. Lelo mulinzile kucita vino mazwi yalanda.

Umbwilo 22:14

Alongo ayao yano yakafula mingila yao nu kuiswefya, pakuti yaye ni nsambu ya kulya vizao kufuma ku muti uno ukapeela umi nga nu kwingila pa mpongolo zya musumba ukulu.