Aina Levi 20:7 - Amazwi Yakwe Leza 2013

⁷ Mwaipaatula nu kuya amuzilo. Pano nene indi Yawe Leza winu.

Aina Levi 20:7 ပူးပေါင်းရင်းမြစ်များ

Aina Levi 11:44

Nene Yawe Leza winu, nupya mulinzile kuisunga amuzilo, pano nene wamuzilo.

Aina Levi 11:45

Nene Yawe wino wamufumizye mu Eguputo, pakuti ningaya Leza winu. Mulinzile ukuya amuzilo pano nene wamuzilo.

Aina Levi 19:2

kuti anene aina Izlaeli yonsi ati, “Muye amuzilo pamulandu wakuti Ne Yawe Leza winu Nene wamuzilo.

Aina Levi 21:15

Ndi simapepo atacisile vivyo, ana yakwe yano yalinzile ukuya amuzilo yalaya amifitalila. Nene indi Yawe, nupya namupaatula kuti aye Simapepo Mukulu.’”

Aina Levi 21:23

Lelo pamulandu wakuti umuntu wiyo akweti ulema, atalinzile kupalama pipi ni nsalu yakucingilila iyamuzilo nanti ukuya ku kavuwa. Atalinzile kulenga vintu vii ukuya vyamifitalila, pamulandu wakuti nene indi Yawe, nupya nene nkalenga kuti vintu vivyo viye vyamuzilo.”

Aina Levi 21:8

Simapepo alinzile kuloleka uwamuzilo ku manso ya antu, pamulandu wakuti ali wino akapeela impolelwa ya mbezu zya mwata wa ngano kunondi. Nene indi Yawe, nene wamuzilo, nupya nene nkalenga antu yane ukuya amuzilo.

Efeso 1:4

Na lino insi itali kuti iumbwe, Leza wene watusolwile mpiti kuti tuye akwakwe muli Klistu, pakuti tuye amuzilo nupya aula mulandu kunoli. Pamulandu wa kutemwa kwakwe

Kolose 3:12

Mwemwe antu yakwe Leza. Wene wamutemwa nupya wamusolwile kuti muye antu yakwe. Caleka mulinzile kuya na mizu, afuke, aluse, aicefya, amutembo nupya antu akateeka myenzo.

1 Tesalonika 4:3

Leza akulonda kuti muye amuzilo nupya antungwa cuze kufuma ku ulongozyo.

1 Tesalonika 4:7

Leza atatwama kuti twacita vya winyi, lelo watwama kuti tuye amuzilo.

Ayebulai 12:14

Ezyini kwikala mu mutende na antu onsi, nu kwikala umi wamuzilo. Pano kusi umwi wino alalola Mwene kwaula kwikala umi wamuzilo.

Yoswa 24:19

Yoswa avwanga ku antu ati, “Mungaposiwa kutumikila Yawe, pano wene a Leza uwamuzilo. Wene a Leza asilonda wakucimvyanya nawe. Wene atalamwelela pali ucisanguka winu na pa maifyo inu.

Yoswa 3:5

Yoswa anena antu ati, “Isangululini mweisikulu, pano mutondo Yawe alacita icinjelengwe apakasi kinu.”