Aina Levi 20:6 - Amazwi Yakwe Leza 2013

⁶ “Muntu ali wensi ndi waya ku antu yano yakavwanga ni mipasi ya antu afwe, indafutatila umuntu wiyo nu kumusukula mu antu yane.

Aina Levi 20:6 ပူးပေါင်းရင်းမြစ်များ

Masamu 73:27

Umu cumi yayo akafuntuka kunoli, yalaponga. Nupya yayo yonsi akakusangukila, wemo ukayonona.

Kufuma 22:17

Lelo ndi isi wa mukazyana wakana kuti umonsi wiyo amutwale, lyene umuntu wiyo alinzile kulipila isi wa mwana impiya kulingana ni zyakulipa pa mukazyana atamanyile umonsi.

Kufuma 22:18

“Mwanaci wensi wino akacita vyamalele alinzile akomwe.

Ezaya 8:19

Ndi cakuti antu yakumunena ukuti auzya imilandu kuli yakalola na yakasapoola, yakatotoza na yakatiitiisya. Ala yakuti, “Uzye antu yataya nu kulondelezya nanti ukuuzya imilandu kuli tuleza twao nanti ukuuzya ku antu yao afwe apamulandu wa nsyazi zyao kunzi?”

Yelemiya 44:11

“Caleka fwandi ne Yawe Wamaka yonsi, Leza wa ina Izlaeli, ndamulovya, ndonona ni mpanga yonsi yakwe Yuda.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Oseya 4:12

Antu yane yakalonda amano ku kaluwi akawaze ku cimuti, nga umuti iuyanena vino yakasi ukumanya. Mupasi wa ulenzyo ukayaponzya, caleka apakusya Leza wao, lyene yasi acumi kunoli.

Aina Levi 17:10

“‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Aina Levi 19:26

“Mutasaapola nanti ukucita vya ulozi.

Aina Levi 19:31

“Mutaya ku kuuzya kuli yakasapoola nanti ku antu yano yakavwanga ni mipasi ya antu afwe. Pano yangamulenga ukuya amifitalila. Nene indi Yawe Leza winu.

Aina Levi 20:27

“Monsi nanti umwanaci wensi wavwanga ni mipasi ya antu afwe alinzile kutamwa na mawe mpaka afwe. Nupya umuntu wensi uwacita icintu cii ala waikoma umwisikulu.”

Aina Levi 20:5

lyene nene kwene indamufutatila umuntu wiyo pamwi na amu ng'anda yakwe onsi, nupya ndayasukula mu antu yane pamwi na yonsi yano yakamulondela mu kupepa Moleki.

Mpendwa 15:39

Fwandi muli nu kucita vivyo kwene pakuti insita yonsi ndi mwazilola, imwiusya amasunde yakwe Yawe, pakuti mwayela kuti mutaca mumufutatile nu kulondela ulunkumbwa lwa mu myenzo inu nu lwa mu manso inu.

Milimo 16:16

Uwanda umwi lino twayanga ku cifulo ca mapepo, tukomenkana nu mukazyana uwali nu mupasi wankota uwamulenganga kuti alande ivilacitika. Wazanilanga yakateeka yakwe ulupiya ulwingi apa kusema kwakwe.