Aina Levi 20:3 - Amazwi Yakwe Leza 2013

³ Muntu umwi ndi wapeela ana yakwe kuli Moleki nu kulenga Itaalu lyane lyamuzilo ukuya lyamifitalila, nupya nu kuzewanya zina lyane lyamuzilo, umuntu wiyo indamufutatila nu kumusukula mu antu yane.

Aina Levi 20:3 ပူးပေါင်းရင်းမြစ်များ

Kufuma 30:33

Muntu ali wensi wino alapanga amafuta acinunu cisuma yauze akolane na yaa, nanti kupaka muntu ali wensi wino asi simapepo, wene alinzile kusukulwa mu antu yane.’ ”

Ezekelo 20:39

Mwe ina Izlaeli, Yawe Simwandalali wavwanga wati, “Ale mule mutwalilile ukupepa tuluwi twinu! Lelo nemo nalapa ukuti ku nkolelo mulasuka muvwe izwi lyane. Mutalasausya nupya izina lyane lyamuzilo ku vya mawila inu nu ku tuluwi twinu.

Ezekelo 5:11

“Caleka ne Yawe Simwandalali ndakufulula, pasi pano wakowezya Ng'anda yane ikulu. Waikowezya ku vintu vyawinyi vino wemo wacita.

Aina Levi 15:31

Yawe wanenyile Mose kuti asoke aina Izlaeli pamulandu wa mifitalila yao pakuti yatakowezya Itaalu lya Ukongano lino lyali pakasi ka nsakwe. Pano ndi yalikowizye, yangakomwa.

Aina Levi 17:10

“‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Aina Levi 18:21

Utapeela umwi uwamu ana yako kuti aomviwe mu mapepo yakwe leza Moleki, pano cico cingaleta muzewanya kwi zina lyakwe Leza, Yawe.

Aina Levi 19:12

Mutalapa ufi mwi zina lyane. Cico cikaleta muzewanya pi zina lyane. Nene Yawe Leza winu.

Aina Levi 20:4

Ndi iuvi lyacita uti litaweni lino umuntu wiyo akupeela wenga uwamu ana yakwe kuli Moleki, lyakana ukukoma umuntu wiyo,

Aina Levi 21:6

Simapepo alinzile ukuya wamuzilo nupya atalinzile kuzewanya izina lyane. Pamulandu wakuti simapepo akapeela amawila akocela Yawe, alinzile ukuya wamuzilo.

Aina Levi 7:20

Lelo umuntu wino wakowela ndi walya inyama ya wila wa utandano iyapeelwa kuli Yawe, umuntu wiyo alinzile kusukulwa mu ina Izlaeli.

Aina Levi 7:21

Nupya umuntu ali wensi ndi walya inyama ya wila uu, pacisila ca kukumya ku cintu icili consi cikowele, cingaya cafuma ku muntu nanti ku nyama, umuntu wiyo alinzile kusukulwa mu antu yakwe.

Mpendwa 19:13

Wino wensi uwala wakumya icala ca muntu ali wensi nga nu kucita mufulo wa kukana isangulula ale wene wakowezya Itaalu lya Ukongano. Umuntu wiyo alinzile kusukulwa mwi uvi lya ina Izlaeli. Pamulandu wakuti amanzi akumukondola yatapisile pa mwili wakwe, ali cino fwandi wene wasyala mukowele, na makombezya yakwe yasyala yamukambatile.

Mpendwa 19:20

Lelo ndi cakuti umuntu mukowele wakana ukucita vivyo, wene yalinzile kumusukula umwi uvi, pamulandu wakuti wene watakowezya Itaalu lyakwe Yawe. Pamulandu wakuti amanzi akumukondwela yatapisile pa mwili wakwe, ali cino fwandi wene wasyala mukowele na makombezya yakwe yasyala yamukambatile.

2 Kolinto 6:16

Uzye ng'anda yakwe Leza vingalemana uli nu tuluwi? Sweswe ng'anda ikulu yakwe Leza wa umi, ndi vino Leza umwisikulu walanda wati, “Ndikala pamwi na antu yaa nga nu kupita pakasi kao. Ndaya Leza wao, nao yalaya antu yane.”

1 Petulo 3:12

Pano Mwene akalolekesya pa antu akacita vyawololoke, nu kuvwa mapepo yao. Lelo wene akakanya yao akacita viipe.”