Aina Levi 20:24 - Amazwi Yakwe Leza 2013

²⁴ Lelo nalaya ukupeela mwemwe impanga iyi ziya nu uci kuti iye iyakwinu. Ndapeela impanga iyo kunomuli. Nene indi Yawe Leza winu. Namupaatula ukufuma mu nko zyonsi.

Aina Levi 20:24 ပူးပေါင်းရင်းမြစ်များ

1 Yamwene 8:53

Wemo awewe watusolola pa mitundu yonsi pakuti tuye antu yako, sweswe sile, ndi muno watunenyile kupitila muli Mose umuomvi wako, lino we Yawe Simwandalali wafumizye ivikolwe vitu mu mpanga ya Eguputo.”

Kufuma 13:5

Yawe umwisikulu walavile nu mulapo ku vikolwe vinu kumupeela impanga ya ina Kenani, Hiti, Amoli, Hivi, nga na aina Yebusi. Lino alamwingizya mu mpanga ilya ya ukama nupya ivunde, mulinzile kuzevya cimulo ci mu mwezi wakutandika cila mwaka.

Kufuma 3:17

Natinelenganya ukuti ndayafumya mu Eguputo, kuko kuno ndakai aina Eguputo yakuyasunga mu kukalala. Ndayatwala ku mpanga ivunde nupya iya uzombozi cuze, impanga ya ina Kenani, aina Hiti, aina Amoli, aina Pelizi, aina Hivi, na ina Yebusi.’

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Kufuma 33:1

Pacisila ca vintu vii Yawe anena Mose ati, “Ufume kuno pamwi na antu yano wizile nayo ukufuma ku Eguputo uye ku mpanga ino nalavile ukuti indapeela Abulaamu, Isaki na Yakobo. Pa nsita, kwene ilya nayanenyile antu yalya inti, Mpanga kwene ii indaipela ku amu mupanda wao.

Kufuma 33:16

Ndi cakuti wewe wapita naswe, ali wensi amamanya ukuti ukazangila mu antu yako pamwi nani. Cii cilalanga ukuti twaiyela ku antu amu nsi, ndi wewe wapita naswe.”

Kufuma 33:3

Mukuya ku mpanga ivunde cuze. Lelo nemo ntakupita namwe pamulandu wakuti mwemwe antu akome myenzo cuze, nupya limwi ningamonona mu nzila.”

Kufuma 6:8

Ndalenga kuti muye ku mpanga ino nalavile nu mulapo ukupeela kuli Abulaamu, kuli Isaki, na kuli Yakobo. Impanga ii, ilaya iyakwinu.’ ”

Aina Levi 14:34

“Lino mulingila mu mpanga ya Kenani, ino nkupeela kunomuli kuti iye iyakwinu, ndi cakuti umuntu umwi wazana ukuti Yawe watatuma kuvuvuma mu ng'anda yakwe,

Aina Levi 20:26

Mulinzile ukuya amuzilo pa manso yane, akwane nenga mpo, pamulandu wakuti ne Yawe nene wamuzilo. Namupaatula ukufuma ku nko zyonsi pakuti mungaya akwane nenga mpo.’

Mpendwa 23:9

Kwene nga nafindamila mu lwema ulutali nkuyalola. Nkuyalola ukufuma pa myamba papela. Yene uluko luno lwikala longa ntalwentalwe. Yene yamanyile vino yapolelelwa ukuluta inko zyuze izyasyala.

Yoane 15:19

Ndi mwemo muya amu nsi, nga amu nsi yamutemwa wa antu yao. Lelo mwemo namusolwile kufuma mu nsi ii. Mwemo musi amu nsi, caleka amu nsi yamupata.

2 Kolinto 6:17

Nupya Mwene wavwanga wati, “Yatini, nupya fuminiko kuno yali! Mutakumya cintu cikowele cili consi. Lyene ndamuzengela

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.