Aina Levi 20:20 - Amazwi Yakwe Leza 2013

²⁰ Monsi ndi walongozya nu muci wakwe nyinalume, umonsi wiyo wazewanya nyinalume. Oili kwene, umonsi nu muci wakwe nyinalume yalinzile ukulipa pa maifyo yao. Yalafwa kwaula kukwata umwana.

Aina Levi 20:20 ပူးပေါင်းရင်းမြစ်များ

Yobo 18:19

Cisi cakwezya ukusya umwanakwe nanti wenga, umu mutundu wakwe nanti icizikulula. Fwandi umu nsi mutasyala uwakazi kakwe nanti wenga.

Masamu 109:13

Uluko lwakwe kalulowelele, ni zina lyakwe lisilile umu nkulo yonga sile.

Yelemiya 22:30

Yawe wavwanga wati, “Lembini umuntu wii muti imbulwa ana, umuntu wino atasyuka mu umi wakwe, pano kusi nanti wenga apa ana yakwe, wino alaya nu longo umu umi wakwe, wino alikala pa cilimba ca wene cakwe Davidi, nanti ukuteeka mu mpanga ya Yuda.”

Aina Levi 18:14

Utalongozya na muka nyokolume pano nawe kwene a nyoko.

Aina Levi 20:21

Monsi ndi watola umuci wa mwina nga amucita ukuya umuci wakwe, umonsi wiyo nu mwanaci oili yalafwa kwaula kukwata umwana. Monsi wiyo wacita icintu icamifitalila kulingana nu lutambi, nupya wazewanya mwina wakwe.

Luka 1:25

Elizabeti avwanga ati, “Ndakai Mwene wataya na mizu kunondi, wanzeulula insonyi ku antu.”

Luka 1:7

Lelo yatakweti umwana, pano Elizabeti wali ng'umba, nupya yonsi oili yali akoloci.

Luka 23:29

Pano manda yaliza lino antu yalavwanga yati, ‘Alongo ing'umba, na anaci atatazile yavyale, nga na yao atatazile yonsye.’