Aina Levi 2:3 - Amazwi Yakwe Leza 2013

³ Ivyasyala vya wila wa usu vipelwe kuli yasimapepo, ana yakwe Aaloni aonsi. Uwila uu uwa mununko usuma ukazanzya Yawe.

Aina Levi 2:3 ပူးပေါင်းရင်းမြစ်များ

Ezila 2:63

Nu mulasi ayapeela ilamulo lya kuyalesya ukulya icakulya icili consi icaziliziwa wakwe cimwi, suka sile kuce kuloleke simapepo wakuyuzizya kuli Ulimu na Tumimu.

Kufuma 29:37

Pa manda cinimbali uwapeelela kavuwa impolelwa. Lyene kavuwa kalaya kamuzilo ukuluta, nga na consi cino cilakumya kavuwa kako naco cilononwa nu muzilo wakako.

Ezekelo 44:29

Amawila ya vyakulya, na mawila yakufuta amaifyo, na mawila akulipila pa milandu. Ivimayanga vyakulya vyakwe yasimapepo, nupya ali nu kutoola ivintu vyonsi vino antu yamampaatwilanga mu mpanga ya Izlaeli.

Ezekelo 46:20

Atandika nu kuvwanga ati, “Kuno ali kuno yasimapepo yali nu kwelekela inyama ino yatuulwa wa mpolelwa yapa milandu nga ni yapa maifyo, nupya ali kuno yakaapangila mikate uku usu uno antu yatuuzile, ali pakuti pataloleka icintu nanti conga ca kupaatwila Leza, cakuti yatwala mu musolo wa mwi linga lya kunzi, pano cingaletelela antu pa kukumya ku vintu vyamuzilo.”

Aina Levi 10:15

Yalinzile ukuleta umwendo ni nganga pamwi ni viputulwa vya mafuta vya mawila akoca akuswelula pa manso yakwe Yawe wa wila wakuswelula. Cii cili ciputulwa cako na ana yako wakwe vino Yawe wapeezile ilamulo.”

Aina Levi 14:13

Simapepo alinzile kufyulila suuku mu Ncende Yamuzilo muno yakafyulila inyama zya mawila akwelela amaifyo na mawila yakoca. Uwila wa kwelela amaifyo uwakwe simapepo ndi vino nu wila wa cizumila mulandu uwakwakwe. Uwila wa cizumila mulandu uwamuzilo cuze.

Aina Levi 2:10

Lyene ivyasyala vya mawila ya usu vipelwe kuli Aaloni na ana yakwe. Cico kwene cili ciputulwa camuzilo ukuluta, pamulandu wakuti casyala pa mawila akocela Yawe.

Aina Levi 21:22

Wene angalya icakulya camuzilo cuze cakwe Leza wakwe. Angalya ni cakulya kwene camuzilo.

Aina Levi 5:13

Mu musango kwene uu, muli muno yasimapepo yacitila ulutambi lwa kufuta amaifyo ya antu. Lyene umuntu wiyo alelelwa. Lelo uwila uwasyala wene uwakwe simapepo, ndi vino cikaya ku wila wa cakulya.”

Aina Levi 6:26

Simapepo wino wapeela uwila wa nyama, alye inyama iyo. Ailile mu Ncende Yamuzilo, pa musolo wi Taalu lya Ukongano.

Aina Levi 6:9

anene Aaloni na ana yakwe, ati, “Lii, lili lamulo lya wila wakoca. Uwila wakoca onsi ulinzile kusyala pa moto pa kavuwa usiku onsi, mpaka kufika na katondo, nga nu moto utwalilile kwaka.

Aina Levi 7:7

Isunde lili limwi kwene likumile uwila wa kwelela amaifyo nu wila wa cizumila mulandu. Amawila yoili yaa akwe simapepo wino akacita ulutambi lwa kufuta amaifyo.

Aina Levi 7:9

Lyene ca wila icili consi ca cakulya icapangwa mu citofu nanti vyonsi vino yakasalula muli pani nanti pa cikombole, vyonsi vivyo viye vyakwe simapepo wino akutumikila pali vivyo.

Mpendwa 18:9

Watukwata insambu pa vintu vivi kwene ivyamuzilo cuze vino yakampela. Napa vilyo vino yakampela vino ungalyako aevi: uwila onsi uno aina Izlaeli yakampela uwa cakulya nanti uwa kwelela amaifyo yao nanti uwa cizumila mulandu.

1 Samueli 2:28

Nupya nayasolwile pa mitundu yakwe Izlaeli kuti yangaya yasimapepo yane, na kuti yatumbela ukuya pa kavuwa kane, ku koca ubani, nu kuzwala cakuzwala ca efodi kuti yapendola pa manso yane. Nupya anene kwene napiile ang'anda yakwe so kuti yatoola vyonsi vino aina Izlaeli yakapeela kunondi.