Aina Levi 2:14 - Amazwi Yakwe Leza 2013

¹⁴ Ndu kupeela kuli Yawe uwila wa usu uwa vizao vyankolelo, ulinzile ukupeela uwila wa mbezu zipya zisalule, izisye.

Aina Levi 2:14 ပူးပေါင်းရင်းမြစ်များ

Utandiko 4:3

Pacisila ca nsita imwi, Kaini asenda vilimwa vimwi vyamu calo, aya apeela uwila kuli Leza.

2 Yamwene 4:42

Wanda uze kwiza umuntu umwi ukufuma ku Baali Syalisya, aletela Elisya imikate amakumi yaili yapangilwa ku usu wakwe baale, wa vizao vyankolelo. Amuletela ni misakinta ipya ya mbezu. Alino Elisya anena Geazi ati, “Imula antu kuti yalye.”

Aina Levi 2:15

Lyene uutikinkanye na mafuta ya miolivi nu ubani. Vii avino umuntu akapeela musango uu uwa wila wa cakulya.

Aina Levi 2:16

Lyene simapepo aoce ciputulwa cimwi ca usu umuli amafuta nu ubani, pakulanga ukuti iciputulwa capeelwa kuli Yawe. Uwo kwene uli wila wakocela Yawe.

Aina Levi 22:29

Lino mukupeela impolelwa yakutaizya kuli Yawe, mwalondela malamulo pakuti impolelwa zinu zingapokelelwa.

Aina Levi 23:10

“Nena aina Izlaeli, uti, ‘Lino mulingila mu mpanga ino Yawe akupeela kunomuli, ndi mwazombola imbezu zyamu vyalo vinu, mukatala mupela umwanzi wankolelo kuli simapepo.

Aina Levi 23:13

Kwika pali suuku mulinzile ukupeela makilogalamu yaili ya usu utonyoleke, utikinkanye na mafuta ya miolivi kuti vipelwe kuli Yawe wa wila wakoca. Uwila uu uwa mununko usuma ukazanzya Yawe. Nupya cuze cino mulinzile ukupeela pamwi na suuku, uwila wa vyakumwa kulingana na lita wenga wakwe waini.

Aina Levi 23:20

Simapepo alinzile kuswelula utwana twa mfwele twiili pamwi nu mukate pa manso yakwe Yawe wa wila wakuswelula. Vikwene ivyakwe simapepo, nupya uwila wamuzilo.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Mpendwa 28:2

“Peela ilamulo lii ku ina Izlaeli uyanene uti, ‘Mulinzile ukusakamala ukutwalila Yawe amawila yakwe pa nsita ilinzile, uwila wa vyakulya uwakoca, uwa mununko usuma ukazanzya Yawe.’

1 Kolinto 15:20

Lelo cumi Klistu wazyukuka kufuma ku afwe! Nupya akusininkizya kunotuli ukuti yauze nayo kwene yalazyukuka kufuma ku afwe.

Malango 26:2

cila muntu panomuli alinzile watola umuse nga aikemo iviseekwa vyankolelo ivya pa vilimwa vyonsi vino alazombola. Lyene muvisende nu kuvitwala ku ncende ino Yawe Leza winu alasolola ukwa kumupepela.

Umbwilo 14:4

Yaa, ali antu ataikowizye na anaci, pano yatatazile yamanye anaci. Yene yalondelanga Mwana wa Mfwele konsi kuno akuya. Yene yakulwilwe kufuma pa antu yonsi asyala kuti yaye ankolelo kupelwa kuli Leza nu ku Mwana wa Mfwele.