Aina Levi 2:11 - Amazwi Yakwe Leza 2013

¹¹ “‘Amawila ya cakulya yano ukupeela kuli Yawe utalinzile ukwikamo icitutumusi, pamulandu wakuti utalinzile ukoca icitutumusi cili consi nanti uuci wa wila wakocela Yawe.

Aina Levi 2:11 ပူးပေါင်းရင်းမြစ်များ

Kufuma 23:18

“Pakumpeela uwazi wa nyama ya mpolelwa, mutaapelela pamwi nu mukate umuli icitutumusi. Mafuta ya mawila yane ya vimulo yatasungwa kufika katondo ka wanda walondelela.

Kufuma 29:25

Lyene utoole vyonsi vivyo ukufuma mu makasa yao, alino uvyocele pa kavuwa kumwi nu wila wakoca kuti viye ivya mununko usuma ukazanzya Yawe. Ukwene uli wila wakocela Yawe.

Kufuma 34:25

“Mutaapela kunondi umukate umuli icitutumusi lino mukupeela impolelwa. Inyama ili yonsi ya mpolelwa yapa Cimulo ca Ucilo mutaisunga kufika ku katondo ka wanda walondelela.

Mapinda 24:13

Mwanane, uwalya uci pano wene usuma, uci ukatona uku malela, kuli kanacisenga, walyompa mu kanwa kako.

Mapinda 25:16

Nanti ndi cakuti wazana uci, lya uwikute, lelo utacizya umu cipimo pano ungaluka.

Mapinda 25:27

Citazipa ukulya uci ukuluta apa cipimo nanti ukuzumila amazwi aku kulyombeleka.

Aina Levi 1:13

Lelo wene alinzile ukufula ivyamunda pamwi ni myendo kwene mu manzi. Alino simapepo atwale vyonsi vii pa kavuwa nu kuvyoca. Wene uli wila wakoca. Uwila uu uwa mununko usuma ukazanzya Yawe.

Aina Levi 6:10

Lyene simapepo azwale mwingila wakwe bafuta, alino na kaputula wakwe bafuta. Alino atoole itwi lya nyama ya wila wakoca, aitile mu mbali ya kavuwa kako kwene.

Mateo 16:6

Yesu ayasoka ati, “Cenjelini nupya muye apempukile ku citutumusi ca Afaliseo na Asaduki.”

Mako 8:15

Yesu ayasoka ati, “Cenjelini nupya muye apempukile ku citutumusi ca Afaliseo na Helodi.”

Luka 12:1

Lino antu mazimbi na mazimbi yakongana pali pamwi, cakuti yalyatana, Yesu anena alondezi yakwe ati, “Cenjelini nu kutaluka ku citutumusi ca Afaliseo, kuli kuti usomvi wao.

Luka 21:34

“Cenjelini pakuti imyenzo inu italaukilwa mu kupunuka, mu ukolesi na masakamiko amu umi uu, pano limwi uwanda uwa ungamupumikizya wa citeyo.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Galatiya 5:9

Citutumusi cinono sile cingalenga ukuti munya onsi ututumuke.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.