Aina Levi 2:1 - Amazwi Yakwe Leza 2013

¹ “‘Lino umwi akupeela uwila wa usu kuli Yawe, uwila uwo ulinzile ukuya usu utonyoleke. Usu uwo atikinkanye na mafuta nu ubani.

Aina Levi 2:1 ပူးပေါင်းရင်းမြစ်များ

Kufuma 29:2

Nupya utoole umukate usi na citutumusi, makeke asi na citutumusi atikinkanye na mafuta, nga ni mikate ya mpanda ipapatale ipakwe amafuta. Vyonsi vii, uvipange nu usu wa ngano utonyoleke.

Ezaya 43:23

Mutandetelanga imfwele zya mawila yakoca, nanti ukuncindikila mu mpolelwa zinu. Intamucuzya foo, apa kumulenga kuti mundetele amawila ya vyakulya nu ubani.

Ezaya 66:20

Yalakolonganika anyonko yonsi, ukufuma ku mitundu yonsi, nu kwiza yatuula kuli Yawe. Yalizila pa mfwalasi, pa maceleta, mu macila, pa nyumbu, na pa ngamila, uku mwamba wane wamuzilo umu Yelusalemu. Yaliza wa ina Izlaeli yano yakuleta vya mawila uku ng'anda ipepo, yakwe Yawe umu viya visangululwe. Kuu kuli kulanda kwakwe Yawe.

Ezekelo 46:20

Atandika nu kuvwanga ati, “Kuno ali kuno yasimapepo yali nu kwelekela inyama ino yatuulwa wa mpolelwa yapa milandu nga ni yapa maifyo, nupya ali kuno yakaapangila mikate uku usu uno antu yatuuzile, ali pakuti pataloleka icintu nanti conga ca kupaatwila Leza, cakuti yatwala mu musolo wa mwi linga lya kunzi, pano cingaletelela antu pa kukumya ku vintu vyamuzilo.”

Yowelo 1:9

Ivyamawila vyonsi ivyakumwa ni vyakulya vitangapeelwa lyene ku Ng'anda ikulu yakwe Yawe Yasimapepo yakulosya, aomvi yakwe yonsi yakulosya.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Aina Levi 14:10

Pa wanda uwalenga cinani alinzile ukuleta yasuuku yaili ni mfwele yakaci yonga, yamwaka onga, vyonsi vii vyaula ulema. Nupya alinzile ukuleta makilogalamu yatatu a usu utikinkanye na mafuta ya miolivi kuti uye uwila wa cakulya, nga ni ciputulwa conga pa viputulwa vitatu vyakwe lita wa mafuta ya miolivi.

Aina Levi 24:7

Wike ubani usuma cuze muli cila mulongo, mucifulo ca mikate pakulanga ukuti iciputulwa capeelwa kuli Yawe, nga kuti uye uwila wakocela Yawe.

Aina Levi 5:11

“Muntu ndi atakweti ivipeele viili nanti utwana twa nkunda twili, alete usu utonyoleke kulingana ni cipimo cakwe kilogalamu wenga. Usu uwo uye uwila wakwelela iifyo lino watacita. Atalinzile kuutikinkanya na mafuta nanti nu ubani, pamulandu wakuti uu uli wila wa kwelela amaifyo.

Aina Levi 6:7

Lyene simapepo acite ulutambi lwa kufuta iifyo lino umuntu wiyo wacita.”

Aina Levi 9:17

Nupya kwene aleta uwila wa usu, atapula ikufi lyonga, alino aoca pa kavuwa. (Cii, cali kulundapo pa vya wila wakoca uwa cila wanda.)

Aina Levi 9:4

Nupya mutole masaye na suuku kuti viye uwila wa utandano, wakuti mupeele pa manso yakwe Yawe pamwi nu wila wa cakulya, utikinkanye na mafuta. Pamulandu wakuti ilelo Yawe amaloleka kunomuli.’ ”

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Mpendwa 18:9

Watukwata insambu pa vintu vivi kwene ivyamuzilo cuze vino yakampela. Napa vilyo vino yakampela vino ungalyako aevi: uwila onsi uno aina Izlaeli yakampela uwa cakulya nanti uwa kwelela amaifyo yao nanti uwa cizumila mulandu.

Mpendwa 28:5

Mwapeela impolelwa zii pamwi na kilogalamu wenga uwa usu utonyoleke ningo uwa wila wa cakulya uno yatikinkanya na mafuta yakwenga angalingana na lita wenga.

Mpendwa 29:18

Pamwi na yacipambasi, na yasuuku na ana ya mfwele, muli nu kupeela amawila ya cakulya na mawila ya vyakumwa kulingana ni mpendwa yakwe yacipambasi, yasuuku, na ana ya mfwele.

Mpendwa 7:13

Uwila wakwe, walesile imbale yonga yakwe siluva iyanyomile kulingana na kilogalamu wenga na citika. Alino aikapo ni mbakuli yakwe siluva iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

Mpendwa 7:19

Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.

Mpendwa 8:8

Nupya muleke yatole kacipambasi pamwi nu wila wa cakulya, alino nu usu utonyoleke utikinkanye na mafuta. Alino lyene utoole kacipambasi kakwe ciili aka kupeela uwila wa kwelela amaifyo.

Yoane 6:35

Yesu nawe avwanga ati, “Nene cakulya icikapela umi.” “Wino uwiza kunondi ataluvwa nzala, nga na wino uwataila ataluvwa lusala.

1 Yoane 2:20

Lelo Klistu wene wamupolelile pakumupongolwela Mupasi Wamuzilo. Acino mwensi kwene mwamanya icumi.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.

Yuda 1:20

Lelo mwe yacuza yane akundwe, twalililini kukula mu utailo winu wamuzilo. Pepini mu maka yakwe Mupasi Wamuzilo.

Umbwilo 8:3

Lyene mungeli namuze, aiiza aimilila nkolelo ya kavuwa, ala alemile iciinga cakwe zaabu. Alino yamupeela ubani wingi kuti aupeele pamwi na mapepo ya antu yakwe Leza yonsi aoce pa kavuwa kakwe zaabu kano kali nkolelo ya cilimba ca wene.