Aina Levi 19:32 - Amazwi Yakwe Leza 2013

³² “Mwalanga umucinzi ku ikolo nu kuyacindika. Mwaoopa nu kunjela. Nene indi Yawe.

Aina Levi 19:32 ပူးပေါင်းရင်းမြစ်များ

Utandiko 31:35

Lakeli anena isi ati, “Musambazi, mutansokela muti misuli pa kukana katuka pano ntenzi pamulandu wakuti indi ku musango wa cimama.” Labani alonda tuleza tutu wakwe cimwi. Lelo atatuzanyile.

Utandiko 48:12

Lyene Yosefu afumya alumendo pa makokola yakwe Yakobo nga afukama pansi afupime inkolelo yakwe.

1 Yamwene 2:19

Alino Batisyeba aya ku mwene Solomoni ku kuya uzizya Adoniya. Solomoni akatuka kuti akomenkane nawe, alino akontama, nga aikala pa cilimba cakwe ica wene. Alino atuma akuyaletela nyina icilimba, nga nawe aikala penepo lwa kwikasa lyakwe lilunji.

2 Yamwene 17:36

Muce mwauvwila sile ne Yawe, uwamufumizye mu Eguputo na maka akalamba nu ulamba. Kuli nene sile akuno mufwile ukufukama nu kupeela impolelwa.

Yobo 32:4

Lino Yobo yapazyanyanga na yacuza yakwe, Eliu watenzi sile cele ukwaula ukuvwanga. Wapile umucinzi uku ikolo, pano wene, wali ali mwance pali yonsi.

Yobo 32:6

Alino lyene Eliu umwana umonsi wakwe Balakelo uwamu mutundu wakwe Buzi, atolelela avwanga ati, “Nali nkutumile sile ukwaula ukumunena vino nali nkwelenganya.” Apa mulandu sile uwakuti nene mwance, namwe mwemwe ikolo.

Mapinda 16:31

Ukumela imvwi icilongwe cimwi icaucindami, cino cikazanwa umu nzila zya ulungami.

Mapinda 20:29

Ululumbi lwa alumendo ali maka yao, ni mvwi cili ciyembelo ca antu akote.

Mapinda 23:22

Uwauvwa kunondi ne so, nemuno nakuvyala. Nupya cisi cakwezya ukusuula nyoko lino wakota.

Ezaya 3:5

Antu yalacuzyanya, umwina nu mwina, umwinipamba wenga nu muze. Ana yanono yalakatukila aikolo. Iviwelewele vya antu vilasangukila yasimucindikwa.

Nyimbo zya ndosya 5:12

Yalema nu kunyonga intunguluzi zitu. Yata ukucindika aikolo itu.

Aina Levi 19:14

Utatipwila cipuuli nanti kwika icintu cimwi cakupumikako ku nkolelo ya mpafu. Waoopa Leza. Nene indi Yawe Leza wako.

Loma 13:7

Mupele uteko vyonsi vino muli nu kupeela, kuli kuti musonko wa mwili nu musonko wa vintu vino mwakwata, nupya mwafukila yakateeka yonsi nu kuyacindika.

1 Timoti 5:1

Utakalipila wikolo, lelo umupapate kwati aso. Wacitila alumendo ndi vino ungacitila anyonko alumendo.

1 Petulo 2:17

Mwacindika antu onsi. Temwini aina Klistu ataila wakwe mwemwe. Oopini Leza nu kucindika Kateeka mukalamba.