Aina Levi 19:3 - Amazwi Yakwe Leza 2013

³ Cila muntu alinzile kucindika isi, nupya alinzile kuyela isunde li Sabata wakwe vino napeela ilamulo kunomuli. Nene Yawe Leza winu.

Aina Levi 19:3 ပူးပေါင်းရင်းမြစ်များ

Utandiko 48:12

Lyene Yosefu afumya alumendo pa makokola yakwe Yakobo nga afukama pansi afupime inkolelo yakwe.

Neemiya 9:14

Wayasokololwile ukumanya uwanda wako uwi Sabata. Wayapile amalamulo, ivipope na masunde ukupitila mu muomvi wako Mose.

Kufuma 16:29

Mwiusye ukuti Nene, ne Yawe, namupeela uwanda wi Sabata. Cili cino pa wanda uwalenga mutanda nkamupeela ivyakulya vivule vya manda yaili. Muntu wensi alinzile aikala kunoli pa wanda uwalenga cinimbali. Atafuma pa ng'anda yakwe.”

Kufuma 20:12

“Cindika so na nyoko kuti amanda ya umi wako yavule mu nsi ino ne Yawe Leza wako nkukupeela.

Kufuma 20:8

“Waiusya uwanda wi Sabata nu kuusunga nu muzilo.

Kufuma 21:15

“Wino wensi uuma isi nanti nyina alinzile ukukomwa.

Kufuma 21:17

“Wino wensi uwatuka isi nanti nyina alinzile ukukomwa.

Mapinda 1:8

Mwanane, ala uwasumba amano kuli vino yaso yakukulangizya na vino yanyoko yakukusambilizya.

Mapinda 23:22

Uwauvwa kunondi ne so, nemuno nakuvyala. Nupya cisi cakwezya ukusuula nyoko lino wakota.

Mapinda 30:11

“Kwaya insiki imwi ino ikatipwila isi nu kukana polelela nyina.

Mapinda 30:17

Umuntu ali wensi wino akaseka isi nu kuzyuluka nyina umukote, ilinso lyakwe yamwankole ya kuluzi yalalitonkola, naya lyang'anda yakalilye.

Ezaya 58:13

Ndi cakuti umacindika wanda wi Sabata, wakana nu kucitamo vya uculuzi, watandika nu kuwaka wanda wi Sabata wa wanda umwi uwa nsansa, wacindika uwanda wamuzilo, wakwe Yawe, waucindika umu kukanaya ukutali, mwakana ukuomba penepo imilimo, nanti ukulanda ilyasi lya uwelewele,

Ezekelo 20:12

Nayapile na Masabata yane kukuya icimanyililo pakasi kao nani, cakuyamanyisya ukuti akayazifya anene ne Yawe.

Aina Levi 11:44

Nene Yawe Leza winu, nupya mulinzile kuisunga amuzilo, pano nene wamuzilo.

Aina Levi 19:25

Lelo mu mwaka wakwe cisano mungalya iviseekwa vya ku miti iyo. Ndi cakuti mulacita vyonsi vii, imiti inu ilaseeka iviseekwa vivule cuze. Nene indi Yawe Leza winu.

Aina Levi 19:30

Mwasunga amanda yane ya Masabata nu kucindika cifulo cane camuzilo. Nene indi Yawe.

Aina Levi 19:31

“Mutaya ku kuuzya kuli yakasapoola nanti ku antu yano yakavwanga ni mipasi ya antu afwe. Pano yangamulenga ukuya amifitalila. Nene indi Yawe Leza winu.

Aina Levi 19:34

Mwayasunga ndi vino mukasunga aina Izlaeli yauzo. Nupya mwayatemwa ndi vino mwaitemwa mweisikulu. Mwaiusya vino mwali ainamasi mu mpanga ya Eguputo. Nene indi Yawe Leza winu.

Aina Levi 23:3

Mwaomba imilimo inu mu manda mutanda. Lelo mwaiusya ukuti uwanda uwalenga cinimbali uwanda wi Sabata, wanda wa kupuza. Pa wanda uwo mutaomba imilimo. Lelo mwakongana ku mapepo. Uwanda wi Sabata uwakwe Yawe, usi mulandu ni cifulo cino mukaikalako.

Aina Levi 26:2

Mwasunga amanda yane ya Masabata nu kucindika cifulo cane camuzilo. Nene indi Yawe.

Malaki 1:6

Yawe Wamaka yonsi wavwanga wati, “Umwana umonsi akacindika isi, nga umuomvi akaoopa umusambazi wakwe. Ndi cakuti nene so, lyene pacani cino musincindikila? Ndi nene musambazi winu, lyene pacani cino musyangopa? Mwe yasimapepo mwemwe mukansuula. Lelo mukauzya muti, ‘Uzye tukakusuula umu nzila cii?’

Malango 27:16

“ ‘Katipwe kuli Leza wiyo wensi uwasuula isi nanti nyina.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 5:16

“‘Cindika so na nyoko wakwe vino Yawe Leza wako wakupeela ilamulo kuti amanda ya umi wako yavule nu kuti vyonsi vikuzipile mu mpanga ino Yawe Leza wako akukupeela.

Ayebulai 12:9

Akwasi itu yakatusunda, nga naswe tukayacindika. Uzye lyene tutangalusya kutontela Tata uwaku mupasi nga tuye nu umi?