Aina Levi 19:26 - Amazwi Yakwe Leza 2013

²⁶ “Mutasaapola nanti ukucita vya ulozi.

Aina Levi 19:26 ပူးပေါင်းရင်းမြစ်များ

Utandiko 44:5

Uzye pacani cino mwiya ulwako lwakwe siluva lwa musambazi wane? Ulwako luu aluno akamwela amanzi, nupya aluno akaomvya pa kusapola. Cumi, mwatala mulandu ukulu cuze pa kwiya ulwako.’”

Utandiko 9:4

Lelo mutakezye ukulya inyama muno mucili uwazi, pano uwazi uli umi wakweyo.

2 Yamwene 17:17

Yocanga wa mpolelwa ana yao aonsi na akazyana ku mileza yankandawa. Yasapolanga nu kupendola kuli yakalola na yakamucape. Alino yaipelesyanga wensi pyu, umu kucita iviipe pa manso yakwe Yawe, iyamulenga ukusoka.

2 Yamwene 21:6

Manase atoola nu mwana wakwe wenga umonsi, amupeela wa mpolelwa yakoca. Alino atandika na uncimya nu kusapola nga nu kuuzya ku antu ya malele na yasing'anga pamwi na yasikangulu kwene. Fwandi wene waifizye sana kuli Yawe amusosya wakwe cimwi.

2 Milandu 33:6

Waile atuula na ana yakwe umu kuyocela impolelwa umu Cifoloma ca Beni Hinomu. Nupya watemilwe sana ukusapola nu kucita amalele. Wasontanga na yamucapi. Wacitanga ni vintu vyuze iviipe pa manso yakwe Yawe, cakuti amulenga ukusoka.

Kufuma 7:11

Lyene Falao atuma akuya ama antu yakwe, amamanyamano na amalele. Alino aina Eguputo yalya mu malele yao yeleuzya vino Aaloni wacisile.

Kufuma 8:7

Lelo amamanyamano yeleuzya icili conga kwene kupitila mu malele yao, yalenga yacula ukufuma mu manzi iyaya ku mulundu.

Yelemiya 10:2

Wene wavwanga wati, “Mutasambilila imisango ya antu amu mitundu yuze. Mutazakaza vimanyililo vya mulwelele, nanti angala imitundu yuze ikavyoopa.

Danieli 2:10

Yampandamano yaya pali pakwasuka yati, “We musambazi, kusi nanti wenga apa mpanga ya pano pansi wino angakunena vino ukasi kumanya. Kusi umwene nanti wenga uwamaka, wino watala uzya yakasapoola, na mamanyamano, na alozi, icintu camusango ndi uu.

Aina Levi 19:25

Lelo mu mwaka wakwe cisano mungalya iviseekwa vya ku miti iyo. Ndi cakuti mulacita vyonsi vii, imiti inu ilaseeka iviseekwa vivule cuze. Nene indi Yawe Leza winu.

Aina Levi 3:17

Kusi mwina Izlaeli angalya amafuta nanti uwazi. Ilamulo lii lilinzile kusungwa na ina Izlaeli yonsi amanda pe, konsi kuno yalikala.’”

Aina Levi 7:26

Nupya konsi kuno yalikala, kusi kulya uwazi uli onsi, wa vyunyi nanti wa nyama.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Malango 12:16

Lelo mutaca mwalya zino zicili nu wazi. Uwazi wene muce mwawitila pansi wa manzi.

Malango 12:23

Lelo cisi cakwezya ukulya inyama lino icili nu wazi, pamulandu wakuti uwazi umwaya umi. Fwandi mutalinzile ukulya umi ni nyama kwene.

Malango 15:23

Lelo mutakezye ukulya uwazi. Mulinzile ukupongolwela uwazi pa musili wakwe vino mukaitila amanzi.”

1 Samueli 14:32

Icaleka antu iyaisumba pa visampwe vino yapokolwile umu nkondo. Iyatola imbuzi ni mfwele, ing'ombe nu twana twa ng'ombe, nga iyavifyula pa musili apatali nanti icimelwa, nga iyalya inyama kumwi nu wazi mwenemo.

1 Samueli 14:33

Lyene umuntu umwi anena Saulo ati, “Silola! Antu yiifya kuli Yawe apakulya inyama kumwi nu wazi mwenemo.” Saulo nawe avwanga ati, “Mwemwe yasomvi. Kunkulusini iciliwe icikulu kuno likwene.”

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”