Aina Levi 19:17 - Amazwi Yakwe Leza 2013

¹⁷ “Utaya na kaikila ku muntu umwi mu mwenzo. Lelo utiifya pamulandu wa muntu wiyo.

Aina Levi 19:17 ပူးပေါင်းရင်းမြစ်များ

Utandiko 27:41

Esau apata Yakobo pamulandu wakuti isi wamupolelile, nga aelenganya ati, “Insita yakulosya tata yatipalama pipi. Lino insita ya kulosya ilasila, ndakoma Yakobo.”

2 Samueli 13:22

Abusalomu apata Amunoni sana pa kwifya kuno wene wifizye kuli Tamala kaci wakwe, cakuti atalondanga nu kuvwanga na Amunoni

Neemiya 13:17

Papo kwene nkalipila intunguluzi zya Ayuda nga nzyuzya inti, “Silolini lukota luu luno mukucita! Pacani cino mukukowezya Sabata?

Masamu 141:5

Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

Mapinda 9:8

Utakalipila umuntu wa mitumfyo, pano limwi angakupata. Kalipila umuntu uwamano, pano wene alakucindikilapo.

Luka 17:3

Caleka cenjelini. “Munyonko ndi wifya, mukalipile. Ndi wazenzuka, mwelele.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

1 Kolinto 5:2

Uzye lyene mungaitumika uli? Mulinzile kuvwa ulanda pa cintu cii, nu kuzinga umuntu wiyo mu utandano, wino uwacita cintu cii.

Galatiya 6:1

Inane, ndi umwi waponela mu kucita ciipe, yao a munomuli akatungululwa na Mupasi Wamuzilo, yalinzile kumuwezya nu kumutungulula umu nzila yololoke. Lelo mulinzile kucita cii nu mutembo. Nupya muisunge mweisikulu pakuti namwe kwene mutaponela mu mezyo.

Efeso 5:11

Mutaya nu utandano na yakacita ya milimo yamu mfinzi. Lelo mu cifulo cakwe cii mulinzile kuleta milimo iyo ku luswepo.

1 Timoti 5:20

Wakalipila apaswe yao yonsi akaifya, pakuti asyala yuvwe intete.

1 Timoti 5:22

Utakalauka kwika makasa yako pa muntu umwi kuti umusolole atumikila Mwene. Utakumako ku maifyo ya antu yauze. Lelo wemo funtuka ku kukowela konsi.

2 Timoti 4:2

nkuti kosola ilandwe, komaila penepo mu nsita ino antu yatakulonda na ino yakulonda. Nupya lino ukusambilizya wasinila, wanenola, wakomelezya lelo wacita vii vyonsi mu kuteeka mwenzo.

Tito 1:13

Pamulandu kwene uu, wemo ulinzile kuyanenola cuze, pakuti utailo wao uye uwa mpomvu.

Tito 2:15

Sambilizya vintu vii nu kuomvya maka yako yonsi lino ukukomelezya nu kunenola yano akukuvwa. Utaleka umwi uwa munoyali akusuule.

1 Yoane 2:11

Lelo wino wensi uwapata umwina wakwe wene ali mu mfinzi. Wene akapita mu mfinzi nupya atamanya kuno akuya, pano mfinzi yamupafuzya.

1 Yoane 2:9

Wino wensi akalanda ukuti wene ali mu luswepo lelo wapata umwina wakwe, wene ali mu mfinzi na pa nsita kwene ii.