Aina Levi 19:15 - Amazwi Yakwe Leza 2013

¹⁵ Uye umufumacumi lino ukupingula imilandu. Utacita kasoozi pakasi ka muntu mupina nu mukama. Lelo wapingula umuntu muzo mu ulungami.

Aina Levi 19:15 ပူးပေါင်းရင်းမြစ်များ

Yobo 13:8

Uzye muli uku lusansa lwakwe Leza nanti foo? Uzye muli nu kuya muvwangila umu cilye?

Yobo 32:21

Umukulanda kwane kusi nanta kumwi kuno namanyomelela. Nemo namaya sile apakasi. Kusi nanta umwi wino namaemelela kweneko.

Yobo 34:19

Wene nu kuntunguluzi kwene atakwata akasoozi, asipaatulula pakasi ka akama na apina, pano yonsi kwene, iviumbwa vya kumakasa yakwe.

Masamu 82:2

Wene akuti, “Uzye ukufika lilaci lino mwemo mulata ukupokolola antu alufyengo? Uzye pacani cino mwemo mwatemwa ukuvwangila antu aipe?

Kufuma 18:21

Lelo kulunda pali vii, ulinzile kusola aonsi yamwi ampomvu nu kuyasonta kuti yaye wa ntunguluzi zya antu. Mu musango uu, intunguluzi zya antu mazimbi, na yamwi antu imyanda, na yamwi antu amakumi yasano, na yamwi antu ikumi. Yalinzile ukuya antu akaopa Leza. Yalinzile ukuya atailwe nupya atangazumilizya mafukakanwa.

Mapinda 18:5

Cisi cisuma ukuvwangila umuntu mwipe, nanti ukufyenga uwakaele pakumuputwila umulandu.

Mapinda 24:23

Ivyalondelela penepo, imvwango zino zyafuma uku antu ya malango. Ukuya nu muncizyanya apa kuputula imilandu kutazipa foo.

Mapinda 31:9

Uwalanda nu kupingula ivilungame. Uwapeela insambu ku apina na kuli yayo alinzile ukwazwiliziwa.

Aina Levi 19:35

“Mutacenjezya muntu wensi pa kuomvya cipimo caufi, pa kupima utali nanti kunyoma nanti kuvula.

Yoane 7:24

Mutapingula mu milolekele ya vintu, lelo pingulini kulingana ni cumi.”

Milimo 23:3

Lyene Paulo amunena ati, “Nawe Leza alakuma we lung'umba we muno wapakwa umula. Utenzi papo kuti umpingule kulingana na Masunde yakwe Mose, lelo ukuvuna masunde pa kupeela ilamulo kuti yangume!”

Malango 1:17

Mutaya na kasoozi lino mukupingula. Mwapingula cila muntu kwaula kunyomela mbali, cisi cimwi vino umuntu wiyo ali. Mutaoopa umuntu nanti umwi, pano upinguzi uno mumacita ukafuma kuli Leza. Ndi umulandu umwi wakomesya cuze kunomuli, muulete kunondi nga nani ndapingula.’

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Malango 16:19

Yene yasi nu kuya nu lufyengo nanti akasoozi pa kupingula. Nupya yatalinzile ukutoola amafukakanwa, pano amafukakanwa yakapafuzya antu ya mano na acumi kwene, nu kuleka kuti yatapingula ningo.

Malango 27:19

“ ‘Katipwe kuli Leza wiyo wensi akafyenga umwinamasi, ana asyale, na yamukamfwilwa.’ “Lyene antu yonsi yalalanda yati, ‘Ee mukwai! Kaciye vivyo kwene!’