Aina Levi 19:13 - Amazwi Yakwe Leza 2013

¹³ “Utacenjezya umuntu nanti umwi, nanti kumwiila vintu vyakwe. Utalengezya malipilo ya muomvi wako nanti uwanda onga.

Aina Levi 19:13 ပူးပေါင်းရင်းမြစ်များ

Yobo 17:5

Cili kwati umuntu wino wataama yacuza yakwe, apakuti ayankanye ivyuma vyakwe, ala na ana yakwe yene yatenzi yakusipwilila sile, suka nu tulo twayazana yalala yatonta muno yakulolela.

Yobo 31:39

Intatala nalya ivyakulya vya mwenemo, ukwaula ukuti ntale ndipile aomvi yane, avilimile. Nu kuinong'onya aomvi yane yatatala iyainong'onya, awe.

Yobo 7:2

Ndi vino caya umuomvi akakumbwa ukwikala umu cisao, ala akulolela ukufola amalipilo yakwe,

Kufuma 20:15

“Utaiya.

Kufuma 22:13

Ndi citeekwa cico calika ni cilyanyi ca mpanga, kasunga wa citeekwa cico alinzile ukuleta ivyasyalapo kuti viye icisininkizyo. Lyene atangalipa pa citeekwa icati cilika ni cilyanyi ca mpanga.

Kufuma 22:15

Lelo ndi cico cacitika lino umweneco apanoli, lyene atalinzile ukulipa. Ndi walipile pa kwazima iciteekwa, lyene impiya kwene zizyo ali malipilo.

Kufuma 22:21

“Mutacuzya nanti kuzunya mwinamasi. Mwaiusya ukuti namwe kwene mwali ainamasi mu Eguputo

Kufuma 22:7

“Muntu umwi ndi wazumila kusungila umuntu muze impiya nanti icintu camutengo ukulu nga lyene yamwiyila, ndi umwivi yamulema alinzile kulipila maila yaili.

Mapinda 20:10

Ivipimo vyakupimila ukunyoma, ni vipimilo vyuze ivya ntumpu, vyonsi kwene Yawe wavipata.

Mapinda 22:22

Utafyenga umupina pamulandu wakuti umupina. Nupya utafyengelekezya antu umu cilye.

Mapinda 3:28

Utanena umwinipamba uti, “Pitanga, ukize mutondo alino ndakupeela,” lino ukweti ivya kumupeela lilyo kwene.

Yelemiya 22:13

Kalanda ku muntu wino akakuula ing'anda yakwe umu kuntacita vyaulungami, ni miputule yakwe kwene yapapela ukwaula ulungami, wiyo wino akaomvya auze lutu, nupya wene asiyalipila apa milimo yao.

Yelemiya 22:3

Yawe akuti, ‘Mwacita vyaulungami ni visuma. Mwatuula yayo afyengelekeziwa kuli yano yakayafyenga. Mutacuzya umwinamasi na ana asyale na yamukamfwilwa. Mutacita ulufyengo nupya mutazwisya nu wazi wa antu akaele mu ncende ii.

Ezekelo 18:7

Asifyenga umuntu ali wensi, lelo akalipa kamukole apakwazima. Asipoka kantu ku maka, akapeela uwanzala vyakulya nu kuzwika wiyo ali tupu.

Ezekelo 22:12

Antu yako yamwi yakalipilwa impiya ndi yakoma umuntu. Yamwi yakapokelela amafukakanwa pali vino yakakopesya aina Izlaeli yauze, yakasanguka akama pamulandu nu kucenjezya auze. Lelo kunondi iyanjilila sile. Ivyalanda ne Yawe Simwandalali.

Ezekelo 22:29

Akama nayo yakacenjezya auze nu kuiyila vintu. Yakacuzya alanda, yakafyenga na aenyi.

Aina Levi 25:14

Caleka lino ukukazya icalo ku muzo mwina Izlaeli nanti lino ukukala icalo ku muzo, utacita ucenjezi.

Aina Levi 25:17

Mutasombana, lelo mwaoopa Leza winu. Nene indi Yawe Leza winu.

Aina Levi 6:3

nanti pa kumutumpoka ati caponga, alapa ukuti ataciweni.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Mateo 20:8

“Lyene manguzi, mwine wa calo ca matingi anena kapitao wakwe ati, ‘Ama aomvi kuti njapele malipilo yao, kutandika na yao alemvilwe cisila usyalikizye na yao alemvilwe nkolelo.’

Mako 10:19

Wamanya masunde akati, Utakoma, utalongozya, utaiya, utatumpwila umuzo, utacenjezya, wacindika so na nyoko.”

Luka 3:13

Nawe ayanena ati, “Mutasonkesya impiya kuluta pali vino yamunena.”

1 Tesalonika 4:6

Pamulandu wakwe cii, kutaya umwi uwakuluvyanya ku mwina Klistu muze nanti kuomvya usomvi kunoli. Nkolelo twamunenyile, nupya twamusoka ukuti Mwene alavunuka yao akacita vivyo.

1 Timoti 5:18

Pano malembelo yakati, “Utanyepa cipambasi mulomo lino ukumuomvya kuti alyatole ingano pakupuula” nga “Muomvi nawe alinzile kupelwa malipilo yakwe.”

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.