Aina Levi 19:11 - Amazwi Yakwe Leza 2013

¹¹ “Mutaiya nanti kusomba nanti kutumpoka.

Aina Levi 19:11 ပူးပေါင်းရင်းမြစ်များ

2 Samueli 17:20

Lelo lino aomvi yakwe Abusalomu yiiza ku ng'anda ilya, iyuzya umwanaci wilya yati, “Uzye Aimaazi na Yonatani yali kwi?” Umwanaci wilya nawe aasuka ati, “Yatiyalamba uluzi.” Aonsi yaya iyayalonda lelo ukwaula ukuyalola, nga acino iyaswilila ku Yelusalemu.

1 Yamwene 13:18

Alino kasema wilya umukote amunena ati, “Nani kwene nene kasema wakwe Yawe. Nga api lamulo lyakwe Yawe umungeli waliwanena wati, ‘Uwele nawe nanti iila lyonga ukwako, kuti akalye cakulya nu kumwa amanzi.’ ” Lelo kasema wilya umukote ala akutumpoka sile.

Masamu 101:7

Umuntu akacita ucenjezi asi wakwikala ukwane foo, nu waufi nawe ntalamulonda pano.

Masamu 116:11

Walanga amano yatala yampela, navwanzile inti, “Awe cumi antu yonsi aufi.”

Kufuma 20:15

“Utaiya.

Kufuma 20:16

“Utatumpwila umuzo.

Kufuma 20:17

“Utakumbwa ng'anda ya muzo. Utakumbwa umuci wa muzo, nanti muomvi wakwe umonsi, nanti muomvi wakwe umwanaci, nanti masaye wakwe, nanti punda wakwe, nanti icili consi cino wakwata.”

Kufuma 22:1

“Muntu ndi wiya masaye nanti imfwele nanti imbuzi, wakoma nanti wakazya, alinzile kulipila yamasaye yasano pali masaye wiyo wenga, nga alinzile kulipila imfwele nanti imbuzi zini pa mfwele nanti imbuzi iyo yonga.

Kufuma 22:7

“Muntu umwi ndi wazumila kusungila umuntu muze impiya nanti icintu camutengo ukulu nga lyene yamwiyila, ndi umwivi yamulema alinzile kulipila maila yaili.

Kufuma 23:1

“Utasansanta impwelo zyaufi, nupya utazwilizya muntu wa mulandu pa kumuvwangila umboni waufi.

Mapinda 24:28

Utaya nu umboni wakusinila umuzo ndi cakuti utasininkizye umulandu, nupya utezya wavwanga ivintu ivya kumufyengelekezya umulandu.

Yelemiya 6:13

Cila muntu, ukutandikila sile pa munono ukufika napa mukalamba, yonsi kwene yapunuka ku kulondelela ulonsi. Yonsi pyu, ukutandikila kuli kasema mpaka na kuli simapepo, yakacita usomvi umwi uipisye ku antu.

Aina Levi 19:10

Mutaswilila mu vyalo vinu vya matingi ukuya kolonganika matingi yano yatiyapona pansi. Vyonsi vivyo musile alanda na inamasi. Nene indi Yawe Leza winu.

Loma 3:4

Mucumi citangaya! Lelo Leza wene akalanda vya cumi. Nanti angala antu yonsi yaya antumpu. Cili wakwe vino calembwa mu malembelo cati, “We Leza, leka antu yamanye ukuti vino ukalanda ivya cumi, nu kuti ukayasinda ndi yakulolwesya mulandu.”

Efeso 4:25

Caleka mutatwalilila kutumpoka nupya! Cila muntu alinzile alanda cumi ku muze wino uwataila, pano swensi sweswe vilundwa vya mwili wakwe Klistu.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.

Malango 5:19

“‘Utaiya.

Kolose 3:9

Mutatumpokana pano mwemo mwafumako ku umi wa mpiti ni micitile yakweo yonsi,

1 Timoti 1:10

Masunde kwene yaa yapeelwa pamulandu wakwe yakalongozya na akaulungana na onsi yauze, akaiya antu, antumpu na akapeela umboni waufi nanti cintu cili consi cino citalingine nu usambilizyo usuma.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”