Aina Levi 18:25 - Amazwi Yakwe Leza 2013

²⁵ Micitile yao yalenzile kuti mpanga iye iyamifitalila. Caleka Yawe watavunuka impanga pakuti azinge antu yano yakaikalamo wakwe vino umuntu akaluka cilyo iciipe.

Aina Levi 18:25 ပူးပေါင်းရင်းမြစ်များ

1 Yamwene 21:26

Aabu wacitanga ivintu vyawinyi lino wapepanga utuluwi, mu musango uli umwi kwene uno aina Amoli yacitilanga, yaya yano Yawe wazinzile ukufuma mu Izlaeli.)

Ezila 9:11

yano watupile ukupitila mu yaomvi yako yakasema. Yene atunena ukuti impanga ino mukuya mwenemo ikowele pano antu aikala mwenemo yikalila ukucita vyawinyi ukufuma ku lusansa longa mpaka ukufika nu ku luze kwene.

Masamu 106:38

Yazwisya nu wazi wa antu akaele, uwazi wa ana yao aonsi na anaci, yayo yano yatuulile utuluwi twaku Kenani, yasuka yakowezya ni mpanga yao uku wazi uo.

Masamu 89:32

lyene nemo ale ndayapolola ni ntuwa apamulandu nu uyi wao. Ndayanyambola ni mikota pa kuluvyanya kwao.

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Ezaya 26:21

Pano Yawe wataiza ku kupezya antu ya pano nsi apamulandu wa uyi wao. Insi imasokolola uwazi uno yene yazwisya. Italazizimizya ukufisa antu yano yakomile.

Yelemiya 14:10

Yawe nawe aasuka ati, “Antu yane yatemwisya ku lulumba, yene yasikaanya yakampingu yao. Ali cino ne Yawe nakana ukuyazengela. Nkaiusya ivinzulunzulu vyao, nga ndayavunuka apa kwifya kwao.”

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Yelemiya 2:7

Insuka muleta umu mpanga ivunde, imusyukila ni viseekwa pamwi ni vintu vyuze visuma ivyaya mwenemo. Lelo lino mwiza mu mpanga yane, mukowezya impanga yane, musangula impanga yaupyanyi wanyawanya.

Yelemiya 23:2

Ali cino fwandi Yawe, Leza wa ina Izlaeli, walanda pamulandu wakwe yakacema, yano yakacema umutundu wa antu yane, wati, “Mwatimuleka imfwele zyane zisalangane nu kululumba. Mutazisakamile foo. Lelo nemo nkumusakamala pamulandu wa vicitwa vinu viipe.

Yelemiya 5:29

Yawe walanda wati, “Uzye ntange njavunuke pa vintu vii? Uzye kwene ntange njilandwile pa luko lwa mwata ndi uu?

Yelemiya 5:9

Uzye kwene mwati ntalayavunuka apa vintu vii vyonsi nu kucita icilanduzi pa antu amu luko ululi ndi luu? Ivyalanda ne Yawe.

Yelemiya 9:9

Uzye kwene nemo ntalayavunuka apa vintu vivyo viipe? Uzye kwene umutundu wa musango ndi uo ntange ndandule? Ne Yawe natindanda.”

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Oseya 9:9

Antu yipilako ndi vino cacitike ku Gibeya. Pamulandu wakwe cico Leza atalilila uyi wao, nupya alayavunuka pa maifyo yao.

Aina Levi 18:26

Akaya na inamasi yene yakacita ivintu vyonsi vii, ivyamuselu nu kulenga impanga ukuya iyamifitalila. Lelo mwemo mutalinzile ukucita ivintu vii.

Aina Levi 18:28

Ndi mwacita vivyo, lyene ale impanga italamuluka wakwe vino yatiluka akulukuwa yano yali mu mpanga kwene iyo ino mukwingilamo.

Loma 8:22

Pano twamanya vino kufika na ndakai uumbo onsi ukuteta nu kuwaika kwa umbuza.

Malango 18:12

Yawe wapata umuntu ali wensi wino akacita vintu vii vyawinyi, nupya uli mulandu uno wene akuzinga inko zizi mu mpanga ilya lino mwemo mukuya pa nkolelo.

Malango 21:23

ale lyene mutalinzile kusya umwili uwo pa cimuti. Mulinzile kuzika umwili, pamulandu wakuti umwili uno iyatana pa cimuti ukaleta citipu cakwe Leza pa mpanga. Muziike umwili uwo, pakuti mutakowezya impanga ino Leza akupeela kunomuli.”

Malango 9:5

Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.