Aina Levi 18:24 - Amazwi Yakwe Leza 2013

²⁴ “Mutailenga kuya amifitalila pa kucita vintu vii. Pano avino akulukuwa yailenga ukuya amifitalila. Akulukuwa yano yakwikala mu mpanga ino mutacili mwingilemo, yano Yawe akufumyamo kuti mwingilemo.

Aina Levi 18:24 ပူးပေါင်းရင်းမြစ်များ

Utandiko 15:16

Palapita mikulo ini lino amu mupanda wako yalaweluluka kuno mpanga, pano lyene ukwifya kwa ina Amoli ala kwafika pa kuyavunuka.”

1 Yamwene 9:7

lyene ndasukula aina Izlaeli mu mpanga ino nayapeela. Ndafuma nu mu Ng'anda ikulu kwene ii ino natimpolelela ukuya iya kumpepelamo. Alino na antu mpanga yonsi yalamusuula mwemwe mwe ina Izlaeli. Yalamulola azewane.

2 Milandu 33:2

Umu kukonkelezya ivicitwa vya mitundu ino Yawe wazinzile umu mpanga apakuti antu yakwe yikale mwenemo, icalenzile Manase ukwifya kuli Yawe.

Ezila 9:1

Pacisila lino vyonsi vii vyacitika, nga intunguluzi zimwi iziza kunondi iziti, “Aina Izlaeli pamwi na yasimapepo nga na ina Levi yataizilizye ku utwazi ni mitundu ya inamasi iyatuzinguluka. Iyi, imitundu ya ina Kenani, Hiti, Pelizi, Yebusi, Amoni, Moabu, Eguputo na ina Amoli. Yene yakucita ivyawinyi ndi vino ainamasi yonsi yakacita.

Masamu 106:39

Yaikowezyanga aisikulu ku vicitwa vyao. Yacitanga ukakasi uku vicitwa vyao, ungati acizelele.

Yelemiya 44:4

Ukuya kwene nemo namutumilanga lyonsi aomvi yane yakasema. Nayo yamulesyanga ukucita icintu cico ca winyi cino napata wakwe cimwi.

Ezekelo 36:17

“We mwana wa muntu, pa nsita ino aina Izlaeli ikalanga mu mpanga yao, yacikowizye ku mikalile yao nu ku micitile yao. Kunondi imipitile yao yali iyawinyi, kwati amangu ali ku mpepo.

Aina Levi 18:3

Mutalondela micitile ya ina Eguputo kuno mwatenzi, nanti micitile ya ina Kenani, ku mpanga ino nkumutwalako ndakai.

Aina Levi 18:30

Nupya Yawe avwanga ati, “Mwayela malamulo yano nkumupeela, nupya mutalondela micitile ya antu yano yakwikala mu mpanga ino mukwingilamo. Mutailenga ukuya amifitalila pa kucita cimwi camu vintu vii. Nene indi Yawe, Leza winu.”

Mpendwa 35:34

Mutakowezya impanga ino mukaikala mwenemo nupya muno nani kwene nkaikala mwenemo, pasi pano ne Yawe nkaikala pakasi ka ina Izlaeli.”

1 Kolinto 3:17

Caleka umuntu umwi ndi wonona Ng'anda ikulu yakwe Leza, Leza nawe alamonona. Pano Ng'anda ikulu yakwe Leza yene iya muzilo, nga mweisikulu mwemwe muli Ng'anda ikulu yakwe Leza.

Malango 12:31

Cisi cakwezya ukupepa Yawe Leza winu mu musango wao, pamulandu wakuti yene pa kupepa tuleza twao yakacita ivimisango vimwi ivyawinyi vino Yawe Leza winu wapata. Yene yakaoca na ana yao aonsi na anaci pa kuyatuula impolelwa kuli tuleza twao utuluwi.

Malango 18:12

Yawe wapata umuntu ali wensi wino akacita vintu vii vyawinyi, nupya uli mulandu uno wene akuzinga inko zizi mu mpanga ilya lino mwemo mukuya pa nkolelo.

Malango 9:4

“Pacisila lino Yawe Leza winu watayazinga mu mpanga pa manso inu, mutaca mwezye kulanda mu myenzo inu ukuti Yawe wamuleta kuno kuti mupoke impanga ii iye iyakwinu pamulandu wakuti mukacita ivyawololoke. Awe, asi vivyo. Lelo a pamulandu wa ukakasi wa antu amu nko zino Yawe akuzinga pa manso inu.

Malango 9:5

Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.

Yakapingula 20:10

Tumatola antu ikumi lyonga cila pa antu umwanda onga ukufuma mu mitundu yonsi ya ina Izlaeli, nga na pa antu izimbi lyonga napo itutola umwanda onga, na pa antu amazimbi ikumi napo itutola antu izimbi lyonga, yao ali yakalonda ya vyakulya ivyakulisya ivita. Lyene lino ivita vilafika ku Gibeya mu mpanga yakwe Benjamini vilacita icilanduzi pa ukakasi wao uno yacisile mu Izlaeli.”

Yakapingula 20:5

Aina Gibeya iyankatukila usiku iyalizizya ing'anda, iyampangila ukunkoma. Iyalema umuci wane namuze ku maka nu kwifya nawe, mpaka iyamulenga ukufwa.

Yakapingula 20:6

Nane ali vino natoozile umuci wane namuze, imuputola mu vipimfya nga intuma cila cipimfya ku mutundu pa mitundu yonsi iya ina Izlaeli, pamulandu wakuti yene yacita icintu cii icawinyi nupya icamuzewanya mu mpanga ya ina Izlaeli.