Aina Levi 17:5 - Amazwi Yakwe Leza 2013

⁵ Cii, cikusenula ukuti aina Izlaeli yakaaleta kuli Yawe inyama zya mpolelwa zino pali ndakai yakufyulila pa lwalala. Yalinzile kuzileta kuli simapepo, kuli kuti kuli Yawe, pa mulyango wi Taalu lya Ukongano kuti ziye amawila autandano.

Aina Levi 17:5 ပူးပေါင်းရင်းမြစ်များ

Utandiko 21:33

Nga Abulaamu alema umuti wa tamalisiki pa Belisyeba, nu kupepa Yawe Leza, wape nape.

Utandiko 22:13

Abulaamu alwenga nga alola suuku watalemya impembe mu cimpuza. Lyene aya amutola awino afyula, nga apeela wa wila wakoca mucifulo ca mwana wakwe.

Utandiko 22:2

Leza avwanga kunoli ati, “Tola umwana wako umonsi, umwana wako umonsi wenga sile Isaki wino watemwa, uye ku mpanga ya Moliya. Na kukwa akuno uye ukamumpeele impolelwa wa wila wakoca pa mwamba onga uno ndakulanga.”

Utandiko 31:54

Akoma ni nyama, nga apeela impolelwa pa mwamba, aama na antu yakwe ku cakulya. Alino yalya nga pacisila yalala indo pa mwamba papela.

1 Yamwene 14:23

Yene yaikuulile utuvuwa, ni vipilala vyamuzilo nga nu unkolanya wakwe Asyela pa ncende zyonsi zino yakapepela mwenemo nu mwisika ya visao vya miti.

1 Yamwene 3:2

Pa nsita ilya walanga yatacili yakuule Ng'anda ikulu yakwe Yawe na antu nayo yapeelanga amawila apa ncende zino yakapepela mwenemo izipusanepusane.

1 Yamwene 3:3

Solomoni wali umuntu umwi uwatemwisizye sana Yawe, nu kulondela walondelanga amasunde yakwe isi Davidi. Lelo nawe kwene walanga acili akupeelela impolelwa nu kocela ubani pa ncende zino yakapepela mwenemo zipusanepusane.

2 Yamwene 16:4

Apa ncende zino yakapepela mwenemo utuluwi, apa myamba nu mwisika lya vimiti ivikulu ivya matesi, Aazi wapelelanga penepo impolelwa nu kocela penepo ubani.

2 Yamwene 17:10

Apapela ya milundu yonsi nu mwisika lya vimiti ivikulu ivya matesi, monsi iyakuula utuvuwa twa mawe nu unkolanya wakwe kaleza kanaci ka Asyela.

2 Milandu 28:4

Apela impolelwa nu koca ubani apa ncende zino yakapepela mwenemo, apapela ya twamba, nu mwisika ya cimuti consi icisakate.

Kufuma 24:5

Lyene atuma aina Izlaeli alumendo, iyaya yapeela amawila akocela Yawe. Iyafyula tucipambasi nu kupeela uwila wa utandano kuli Yawe.

Ezekelo 20:28

Nemo nayatwazile mu mpanga ino nayalavile kuyapela. Lelo lino yaweni mwenemo utwamba tonsi ututumpuke, ni miti yonsi ilembe, awe nupya kwene yatandika ukupeela impolelwa zyao. Yaleka nu kuti insoke pamulandu ni mpolelwa zino yocelangapo, na pamulandu wa mawila yauze ya vyakulya vino yatwalanga penepo.

Ezekelo 22:9

Antu yako yamwi yakatumpwila auze pakuti yayakome. Yamwi nayo yakalya impolelwa izikatuulilwa utuluwi mu ncende zino yakapepelamo mu myamba. Yamwi yakacina iviila vitazifile lyonsi sile.

Ezekelo 43:27

Amanda yayo cinimbali ndi yasila, alino yasimapepo yali nu kutandika ukocelapo impolelwa zinu zyakoca apa kavuwa, nga ni mpolelwa zinu zyakulemana pamwi. Alino lyene nani ndamuzengela. Ivyalanda ne Yawe Simwandalali.”

Ezekelo 44:15

Lelo yasimapepo mu ina Levi, ana yakwe Zadoki, yano yaombanga umulimo wane mu Ng'anda yane ikulu, lino aina Izlaeli yamfutatile nu kuntaluka ukutali, ali yano yali nu kumpalamila pa kuntumikila. Yamaimililanga pa cinso cane nu kuntuula amafuta nu wazi.

Aina Levi 17:4

mu cifulo cakumuleta pa mulyango wi Taalu lya Ukongano, kuti apeele masaye wiyo wa mawila kuli Yawe ku nkolelo yi Taalu lya Ukongano lyakwe Yawe, umuntu wiyo alinzile kupelwa mulandu wa katwe. Wene watazwisya uwazi nupya wene alinzile kusukulwa mu antu yane.

Aina Levi 17:6

Simapepo alinzile kusansa uwazi kuzingulusya kavuwa kakwe Yawe, pa mulyango wi Taalu lya Ukongano. Pacisila cakwe cii, aoce amafuta wa wila uwa mununko usuma ukazanzya Yawe.

Malango 12:2

Muce monone incende zyonsi pyu, zino imitundu ino mwazana mwenemo ikapepelapo tuleza twao. Incende zyonsi izya pa myamba apapeela, izya pa twamba kumwi ni zya mwisika ya vimiti vya matesi ali yonsi.