Aina Levi 17:11 - Amazwi Yakwe Leza 2013

¹¹ Pano umi wa ciumbwa consi waya mu wazi. Uli mulandu uno ne Yawe namupeelile uwazi pakuti mupepele umi winu pa kavuwa ipepo lya lutambi lwa kufuta amaifyo inu. Pano uwazi auno ukalipilwa pa maifyo inu.

Aina Levi 17:11 ပူးပေါင်းရင်းမြစ်များ

Utandiko 9:4

Lelo mutakezye ukulya inyama muno mucili uwazi, pano uwazi uli umi wakweyo.

Aina Levi 1:5

Alino umuntu wiyo afyule cipambasi pa manso yakwe Yawe. Lyene yasimapepo ana yakwe Aaloni aonsi yatole uwazi wa ng'ombe iyo yaukanyizye ukuzingulusya kavuwa kano kali ulunga nu mulyango wi Taalu lya Ukongano.

Aina Levi 16:11

Aaloni alinzile ukupeela cipambasi kuti aye uwila wa kwelela amaifyo yakwe, alino acite ulutambi lwa kufuta amaifyo yakwe nga na maifyo ya amu ng'anda yakwe, nga alinzile kufyula cipambasi uwa wila wa kwelela amaifyo yakwe.

Aina Levi 17:12

Uli mulandu uno Yawe watapeela ilamulo ku ina Izlaeli kuti aliyo, nanti mwinamasi ali wensi wino akwikala pakasi kao atalinzile kulya inyama umuli uwazi.’”

Aina Levi 17:14

Pano umi wa ciumbwa consi ca umi waya mu wazi. Uli mulandu uno Yawe watapeela ilamulo ku ina Izlaeli ukuti yatalinzile kulya inyama ino mucili uwazi. Nupya wensi uwacita icintu cico ali nu kusukulwa mu antu yakwe.

Aina Levi 4:25

Pacisila cakwe vii, simapepo atimpike umunwe wakwe umu wazi umwi uwa wila wa kwelela amaifyo. Lyene apake uwazi pa mpembe zya kavuwa ka kupelelapo uwila wakoca. Uwazi uwo uno wasyala awitile mwisika ya kavuwa kako kwene.

Aina Levi 4:26

Lyene amafuta yonsi ayocele pa kavuwa, wakwe vino yakacita na mafuta ya wila wa utandano. Mu musango kwene uu amuno Simapepo ali nu kupeelelamo uwila wa kufuta amaifyo ya muntu wiyo, insita kwene iyo umuntu wiyo alelelwa.”

Aina Levi 8:15

Lyene Mose akoma cipambasi, atoola uwazi umwi nu munwe wakwe, alino apaka pa mpembe zya kavuwa, kukazingulusya, nga akaswefya. Nupya aitila uwazi uze mwisika ya kavuwa, alino akapaatula. Mu nzila ii akacitila ulutambi lwa kufuta amaifyo.

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Mateo 26:28

Uu uwazi wane, uno Leza watama insimbi pa upangano, uno wapongololwa pamulandu wa antu aingi, kuti maifyo yao yelelwe.

Mako 14:24

Yesu avwanga ati, “Uu uwazi wane, uno Leza watamapo insimbi pa upangano, uno wapongololwa pamulandu wa antu aingi.

Loma 3:25

Leza wamutumile Klistu kuya impolelwa kuti mu mfwa yakwe amuno maifyo ya antu yangelelwa pa kutaila munoli. Leza wacisile vii pa kulanga ukuti wene mololoke. Mpiti Leza watekanga umwenzo nu kusulako ku maifyo yano antu yacitanga.

Loma 5:9

Ndakai twacitwa kuya aololoke pa manso yakwe Leza mu mfwa yakwe Klistu. Caleka kuluta pali cii, alatutuula nu ku ukali wakwe Leza.

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

Malango 12:23

Lelo cisi cakwezya ukulya inyama lino icili nu wazi, pamulandu wakuti uwazi umwaya umi. Fwandi mutalinzile ukulya umi ni nyama kwene.

Kolose 1:14

kupitila munoli tukalengwa kuya antungwa. Cii cikusenula ukuti maifyo itu yelelwa.

Kolose 1:20

Kupitila mu Mwana, Leza welenginye kuleta mutende ku viumbwa vyonsi. Wene wacisile mutende kupitila mu mpolelwa ya mfwa ya Mwana wakwe pa lupanda, nu kuleta viumbwa vyonsi kunoli, ivya mwiyulu ni vyamu nsi.

Ayebulai 13:12

Pamulandu kwene uu, Yesu nawe kwene wafwilile kunzi ya musumba ukulu, kuti aswefye antu nu wazi wakwekufuma ku maifyo yao.

Ayebulai 9:22

Kulingana na Masunde yakwe Mose, vintu vinono sile visiswefiwa nu wazi. Maifyo nayo yasyaelelwa ndu wazi utapongolwilwe.

1 Petulo 1:2

Mwemo Leza Tata wamusolwile kuti muye antu yakwe, nga nu Mupasi wakwe wamucita kuya amuzilo kuti mwayela Yesu Klistu na kuti mwaswefiwa nu wazi wakwe. Leza aye ni cikuku kunomuli, nupya amupeele mutende uvule cuze.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu