Aina Levi 17:10 - Amazwi Yakwe Leza 2013

¹⁰ “‘Mwina Izlaeli ali wensi nanti umwinamasi wino akwikala pakasi kao, ndi walya inyama ino mucili uwazi, Yawe ali nu kumusukula mu antu yakwe.

Aina Levi 17:10 ပူးပေါင်းရင်းမြစ်များ

Utandiko 9:4

Lelo mutakezye ukulya inyama muno mucili uwazi, pano uwazi uli umi wakweyo.

2 Samueli 23:17

Avwanga ati, “Cipelele ukutali na kunondi, we Yawe, kuti nemo ncite icintu icamusango uu! Uzye citakoline nu kumwa uwazi wa antu yano iyapusuka kwempe lino yali yaya ku kusemba amanzi kwene yaa?” Acino Davidi atamwile amanzi yaya. Vi ivyacisile antu yaya yatatu amaka.

Masamu 34:16

Lelo wene antu yayo akacita iviipe, yene akayafutatila icakuti na antu yao nayo kwene iyasuka iyayilila.

Kufuma 30:33

Muntu ali wensi wino alapanga amafuta acinunu cisuma yauze akolane na yaa, nanti kupaka muntu ali wensi wino asi simapepo, wene alinzile kusukulwa mu antu yane.’ ”

Yelemiya 21:10

Pano natinsumba amanso yane apa musumba uu apa kuuletela isyamo, asi syuko foo. Wene ulapelwa mu makasa ya mwene waku Babiloni, nawe alaoca uku moto. Ivyalanda Yawe.”

Yelemiya 44:11

“Caleka fwandi ne Yawe Wamaka yonsi, Leza wa ina Izlaeli, ndamulovya, ndonona ni mpanga yonsi yakwe Yuda.

Ezekelo 14:8

Kuli kuti ndapezya umuntu wiyo nu kuleka ukuti aye icakulolela kweneko kuli yauze. Ndamusukula mu antu yane nga lyene mulamanya ukuti nene indi Yawe.

Ezekelo 15:7

Kwene namasumbangako amanso yane pano yali apakuyalwisya. Yati yapusuka uku moto, lelo umoto uliza uyalye. Alino mulamanya ukuti nene Yawe, lino ndasumba amanso pa kumulwisya.

Ezekelo 33:25

“Caleka uyanene uti, ‘Yawe Simwandalali wavwanga wati, Mwemo mukalya inyama ino icili nu wazimo. Mukapepa utuluwi twinu, nupya mwemwe yacikoma. Uzye fwandi icingalenga ukuti impanga ii iye iyakwinu, icani?

Ezekelo 44:7

Pasi pano lyene mwati muleka aenyi yano yatasilamulwa imipasi ni mili kumwi, yingile umu Ncende yamuzilo, nu kukowezya Ng'anda ikulu yakwe Leza, apa nsita ino mukutuula uwila wa vilyo na mafuta nu wazi, nu konona upangano wane uku micitile yinu iipisye yonsi.

Aina Levi 17:11

Pano umi wa ciumbwa consi waya mu wazi. Uli mulandu uno ne Yawe namupeelile uwazi pakuti mupepele umi winu pa kavuwa ipepo lya lutambi lwa kufuta amaifyo inu. Pano uwazi auno ukalipilwa pa maifyo inu.

Aina Levi 19:26

“Mutasaapola nanti ukucita vya ulozi.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Aina Levi 3:17

Kusi mwina Izlaeli angalya amafuta nanti uwazi. Ilamulo lii lilinzile kusungwa na ina Izlaeli yonsi amanda pe, konsi kuno yalikala.’”

Amosi 9:4

Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.

Milimo 15:20

Mu cifulo cakwe cico, tulinzile kuyalembela kalata wa kuyanena kuti yatalya ivyakulya vikowele pano vyapeelwa ku tuluwi. Yaisunge ku ulenzyo, nga nu kuntalya inyama zino yanyonga, nanti kulya uwazi.

Milimo 15:29

mutalya vyakulya ivyapeelwa ku tuluwi, mutalya uwazi. Mutalya inyama zinyongwe. Muisunge ku ulalelale. Muli nu kucita ningo ndi cakuti mwaisunga ku kuntacita vintu vii. Mwikale ulumi.”

Malango 12:16

Lelo mutaca mwalya zino zicili nu wazi. Uwazi wene muce mwawitila pansi wa manzi.

Malango 12:23

Lelo cisi cakwezya ukulya inyama lino icili nu wazi, pamulandu wakuti uwazi umwaya umi. Fwandi mutalinzile ukulya umi ni nyama kwene.

Malango 15:23

Lelo mutakezye ukulya uwazi. Mulinzile ukupongolwela uwazi pa musili wakwe vino mukaitila amanzi.”

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

1 Samueli 14:32

Icaleka antu iyaisumba pa visampwe vino yapokolwile umu nkondo. Iyatola imbuzi ni mfwele, ing'ombe nu twana twa ng'ombe, nga iyavifyula pa musili apatali nanti icimelwa, nga iyalya inyama kumwi nu wazi mwenemo.

1 Samueli 14:33

Lyene umuntu umwi anena Saulo ati, “Silola! Antu yiifya kuli Yawe apakulya inyama kumwi nu wazi mwenemo.” Saulo nawe avwanga ati, “Mwemwe yasomvi. Kunkulusini iciliwe icikulu kuno likwene.”