Aina Levi 16:6 - Amazwi Yakwe Leza 2013

⁶ Aaloni alinzile ukupeela cipambasi uwa wila wa kwelela amaifyo yakwe kuti acite ulutambi lwa kufuta amaifyo yakwe nga na maifyo ya amu ng'anda yakwe.

Aina Levi 16:6 ပူးပေါင်းရင်းမြစ်များ

Yobo 1:5

Lino amanda ya vimulo vivyo yapita, Yobo wamanga ana yakwe ku kuyasangulula. Alino katondotondo mu wanda uwalondelela penepo wapeelanga impolelwa ya wila wakoca, ala akupeelela cila mwana. Wene wacitanga vivyo pano welenginye ukuti limwi ale umwi mu ana yane wataifya, nu kulanda amazwi yamiponto kuli Leza mu mwenzo wakwe. Fwandi lulo lwali luli lutambi lwakwe Yobo amanda pe.

Ezekelo 43:19

Yasimapepo aina Levi, ana yakwe Zadoki, yali nu kwiza kunondi ku kumbombela. Ivyalanda ne Yawe Simwandalali. Wemo ukaayapela kapambasi konga akakupeela impolelwa pa kwifya kwao.

Ezekelo 43:27

Amanda yayo cinimbali ndi yasila, alino yasimapepo yali nu kutandika ukocelapo impolelwa zinu zyakoca apa kavuwa, nga ni mpolelwa zinu zyakulemana pamwi. Alino lyene nani ndamuzengela. Ivyalanda ne Yawe Simwandalali.”

Aina Levi 16:3

Aaloni aingila mu Ncende Yamuzilo kuluta pacisila cakuleta kacipambasi ka wila wa kwelela amaifyo, na suuku wenga uwa wila wakoca.”

Aina Levi 16:7

Lyene alinzile kutoola imbuzi ziili azitwale pa mulyango wi Taalu lya Ukongano pa manso yakwe Yawe.

Aina Levi 9:7

Lyene Mose anena Aaloni ati, “Yanga pipi na kavuwa, upeele uwila wa kwelela amaifyo nu wila wakoca, pakuti ucite ulutambi lwa kufuta amaifyo yako na maifyo ya ina Izlaeli. Upeele uwila wa lutambi lwa kufuta amaifyo yao, wakwe vino Yawe wapeezile ilamulo.”

Ayebulai 7:27

Wene atakolana na Simapepo Mukulu muze. Citakulondekwa kuti wene apeela impolelwa cila wanda, inkolelo zya pa maifyo yakwe nga ni zya pa maifyo ya antu asyala. Lino waipile lyonga umwisikulu, wene waipile kuya impolelwa yonga sile iya manda pe.

Ayebulai 9:12

Lino Klistu wingile lyonga mwitaalu, nu kwingilila limwi mu Ncende Yamuzilo Kuluta wene atasenzile wazi wa mbuzi na yacipambasi ya ng'ombe kuti apeele impolelwa. Lelo wene wasenzile wazi wakwe umwisikulu nu kutulonkela ukuluzi.

Ayebulai 9:7

Lelo mu muputule wakwe ciili mwingila sile Simapepo Mukulu, nupya wene wingilangamo sile lyonga pa mwaka. Wene pakwingilamo wasendanga uwazi uno wapelanga kuli Leza, pa maifyo yakwe umwisikulu na pa maifyo ya antu yauze yano yacitilanga kusi ku mufulo.