Aina Levi 16:27 - Amazwi Yakwe Leza 2013

²⁷ Ing'ombe ni mbuzi ya wila wa kwelela amaifyo, zino yatozile uwazi waziko yaomvye pa lutambi lwa kuswefya Ncende Yamuzilo kuluta, yalinzile kuzifumya kunzi ya nsakwe. Alino yoce imikwela, ni minyefu nga ni vyamunda vyakwezyo.

Aina Levi 16:27 ပူးပေါင်းရင်းမြစ်များ

Aina Levi 4:21

Lyene cipambasi wiyo amufumizye kunzi ya nsakwe nu kumoca wakwe vino yacisile cipambasi wakutandika. Wiyo kwene ali wila wa kwelela amaifyo yi uvi.”

Aina Levi 6:11

Lyene azule vyakuzwala vyakwe vivi, azwale vyuze, alino azyole itwi nga alisende kunzi ya nsakwe, pa cifulo cino citakoweziwa.

Aina Levi 6:23

Cawila wa cakulya icili consi cakwe simapepo ciye cakoca consi, yatacilya foo.”

Aina Levi 6:30

Lelo ndi yaleta uwazi uwa wila uwo uwa kwelela amaifyo mwi Taalu lya Ukongano nu kuuomvya mu lutambi lwa kufuta amaifyo, inyama iyo italinzile ukuliwa. Ilinzile ukoca yonsi pyu.

Aina Levi 8:17

Mose atoola viputulwa vyakwe cipambasi ivyasyala, mukwela, minyefu ni vya munda vyonsi. Alino aya avyocela kunzi ya nsakwe, wakwe vino Yawe wamupeezile ilamulo.