Aina Levi 16:24 - Amazwi Yakwe Leza 2013

²⁴ Alinzile kufulala umwili onsi lino acili mu Ncende Yamuzilo, alino azwale insalu zyakwe. Pacisila cakwe cico, alinzile kufumila panzi alino apeele impolelwa ya wila wakoca, ya lutambi lwa kufuta amaifyo yakwe na maifyo ya antu.

Aina Levi 16:24 ပူးပေါင်းရင်းမြစ်များ

Kufuma 28:40

“Ana yakwe Aaloni aonsi yayasumile malaya, misipi nga na tulibani kuti yaloleka acindame nupya ayembe.

Kufuma 28:41

Vyakuzwala kwene vii, uzwike munyonko Aaloni na ana yakwe aonsi, lyene uyapake amafuta nu kuyalasika, nga uyapaatule kuti yantumikila wakwe yasimapepo.

Ezekelo 42:14

Lino yasimapepo yamala ukuomba mu Ng'anda ikulu yakwe Leza, nga yalonda kufumila mu musolo wa mwi linga lya kunzi, yali nu kutala yasya mu miputule kwene iyo vyakuzwala vyamuzilo vino yali yazwite lino yakuombela Yawe. Alino nupya yali nu kuzwala insalu zyuze pakuya ku ncende kuno antu yakolongine.”

Aina Levi 14:9

Pa wanda uwalenga cinimbali nupya alinzile ukupela inyele zyonsi, vilezu vyakwe, inkopyo zyakwe nga ni pipi lyonsi ilyaya pa mwili wakwe. Alinzile ukufula insalu zyakwe nu kufulala umwili onsi, lyene ale waswefiwa.”

Aina Levi 16:25

Pa kavuwa alinzile ukoca amafuta ya nyama ya wila wa kwelela amaifyo.

Aina Levi 22:6

Simapepo ali wensi wino waya uwamifitalila alinzile ukuya uwamifitalila kufika ku manguzi. Lelo nalyo kwene atangalya impolelwa zyamuzilo suka wafulala umwili onsi.

Aina Levi 9:7

Lyene Mose anena Aaloni ati, “Yanga pipi na kavuwa, upeele uwila wa kwelela amaifyo nu wila wakoca, pakuti ucite ulutambi lwa kufuta amaifyo yako na maifyo ya ina Izlaeli. Upeele uwila wa lutambi lwa kufuta amaifyo yao, wakwe vino Yawe wapeezile ilamulo.”

Ayebulai 9:10

Cili vivyo pamulandu wakuti vyene vikaomviwa mu malamulo ya milile, nu kumwa nga ni misango ipusanepusane iya kuswefiwa. Vii vyonsi amalamulo ya pa vintu vino vikaloleka, yano yakuomba kufika lino Leza alaleta utantiko upya.