Aina Levi 16:2 - Amazwi Yakwe Leza 2013

² Yawe avwanga ati, “Nena munyonko Aaloni kuti ataingila insita ili yonsi mu Ncende Yamuzilo kuluta, kwi tundu lya nsalu yakucingilila, ku nkolelo ya ntupiko ya Mbokosi ya Upangano, pano angafwa pamulandu wakuti ne Yawe nkalolekela mwi kumbi papela ya ntupiko iyo.

Aina Levi 16:2 ပူးပေါင်းရင်းမြစ်များ

1 Yamwene 6:16

Alino umuputule wa mukasi nankasi uno yakati Ncende Yamuzilo kuluta, wene yaukuuzile lwa mukasi ukwitundu ya Ng'anda ikulu yakwe Leza. Umu kusalala wakwata amamita ukulingana na mamita 9 yauputula kambali, ni mbao zya mukelide nazyo zyatandikila sile pansi mpaka nu mwi paala.

1 Yamwene 8:6

Lyene yasimapepo yasenda Mbokosi ya Upangano nu kuingizya mu Ng'anda ikulu yakwe Leza. Yaya yaiteka apa Ncende Yamuzilo kuluta umwisika ya mapa yakwe yakelubi.

2 Milandu 5:14

Yasimapepo iyaposiwa ukuomba imilimo yao ya mapepo apamulandu ni kumbi lilyo, pasi pano ucindami wakwe Yawe wazile mu Ng'anda ikulu yakwe Leza.

Kufuma 30:10

Cila mwaka Aaloni akaacita lutambi lwa kufuta amaifyo pa mpembe zya kavuwa kako iila lyonga. Akaaswefya kavuwa iila lyonga pa mwaka nu wazi wa nyama zya mawila ya kufuta amaifyo. Vintu vii vikacitwa mu nkulo zikwiza zyonsi. Kavuwa kwene kaa kalaya kamuzilo cuze, nupya kene kapaatulwa kuli Yawe.”

Aina Levi 16:13

Lyene mumu kwene pa manso yakwe Yawe Aaloni alinzile kwika ubani pa moto. Lyene icunsi ca ubani cimalenga kuti Aaloni atalola intupiko ya Mbokosi ya Upangano, pano angafwa.

Aina Levi 16:34

Malamulo yaa, yali nu kusungwa ku nkulo zinu zyonsi. Nupya ulutambi lwa kufuta amaifyo lulinzile kucitwa iila lyonga cila mwaka, lwa kuswefya aina Izlaeli ku maifyo yao yonsi. Caleka Mose acita wakwe vino Yawe wapeezile ilamulo.

Aina Levi 23:27

“Uwanda uwalenga ikumi, uwa mwezi uwalenga cinimbali, uli wanda wakucita ulutambi lwa kufuta amaifyo. Pa wanda uwo mutaomba nanti cimwi foo. Mwakongana sile pamwi ku mapepo nu kupeela uwila wa usu kuli Yawe.

Aina Levi 8:35

Mulinzile mwaikala pa mulyango wi Taalu lya Ukongano, musanya nu usiku, amanda cinimbali ala mukuomba kulingana na vino Yawe wamupeela ilamulo. Ndi mutakucita vii, mulafwa. Lii, lili lamulo lino Yawe wapeela kunondi.”

Mpendwa 17:10

Yawe anena Mose ati, “Swilizya intuwa yakwe Aaloni uyike pa nkolelo ya Mbokosi ya Upangano. Ali pano iyasungilwa pakuti aina Izlaeli yace yaiusya lyonsi ukuti ndi yantalamila, yacita impanzela, yalafwa.”

Mpendwa 18:7

Fwandi wewe sile pamwi na ana yako aonsi muce mwaomba umulimo wakwe usimapepo. Mwasakamala kavuwa na vyonsi ivyaya mu Ncende Yamuzilo. Muce mwaomba umulimo uli onsi wakwe usimapepo. Lelo umuntu wasilesile ndi wapalamila kweneko, alafwa.”

Mpendwa 4:19

Acino fwandi na pakuti yapita ulumi nu kukana fwa pamulandu nu kupalama ku vintu vyamuzilo cuze, mulinzile kuyacitila vii: Aaloni na ana yakwe yalinzile kwingila mu ncende yamuzilo nu kulangilila cila muntu umulimo wakwe alino ni viya vino alinzile kusenda.

Mpendwa 4:5

Lino insita ya kusamya insakwe yafika, Aaloni na ana yakwe yalinzile kwingila mukasi ki Taalu lya Ukongano nu kusamula insalu ya kucinga Mbokosi ya Upangano nga yavimbe mbokosi kwene iyo.

Mateo 27:51

Lilyo kwene cisalu camu Ng'anda ikulu yakwe Leza cilepuka pakasi kufuma papela kufika na pansi. Insi nayo isunkana kuya cilundumusi, nga nu lwala nalo lulepoka.

Ayebulai 6:19

Twakwata upaalilo uu uno ukoline wa nanga pa kutungilila umi witu. Wene wasungwa ningo nupya uwa cumi, nupya ukapuzya mu nsalu yakucingilikizya mu Ng'anda ikulu yakwe Leza mwiyulu, wingila mukasi mu ncende yamuzilo.

Ayebulai 9:25

Simapepo Mukulu wa Ciyuda wingilanga mu Ncende Yamuzilo Kuluta lyonga cila mwaka, ala asenzile wazi wa nyama. Lelo Klistu atingile kwiyulu kuti apeela impolelwa lili lili,

Ayebulai 9:3

Kucisila ca cisalu ca kucinga kwali Ncende Yamuzilo Kuluta.

Ayebulai 9:5

Papela ya mbokosi pali vimwi ivyakoline wa angeli vino yakati yakelubi, vyalanganga kucindama kwakwe Leza. Vyali na mapa akonzolwilwe nu kuvimba pa mbokosi apali pa ncende pano maifyo yelelwanga. Lelo ndakai isi ili nsita yakulondolola vyonsi mu kuzika.

Umbwilo 15:8

Ng'anda ikulu yakwe Leza yazilemo cunsi kufuma ku lulumbi na maka yakwe Leza, nga kutali uwakwingilamo suka lino vilumbelo cinimbali ivyacisilwe na angeli cinimbali vyasila.